仲記得出發前, 二等兵好有信心咁講咗一句
: “我今次會0禁住隊長, 唔俾隊長買咁多野 !!
”
點知頭一日去到日本, 二等兵已經失守, 隊長見自己一無所穫 … 响二等兵買得興高彩烈既時候, 突然响二等兵耳邊細細聲講咗一句 : “我今次會0禁住二等兵, 唔俾二等兵買咁多野 …” 哈哈 …
其實我哋今次真係唔算買咗好多野, 可能因為今個 trip 主要係遠行, 去靜岡又唔會有咩買, 去到万座溫泉就直情無野可以買 tim, 之後在輕井沢又覺得啲野太貴買唔落手 ~
書本類 ~
响 1:1 ガンダム 立像会場買既 Official Guide Book ~
幫朋友買既雜誌 ~
响鬆弛熊專門店買既筆記簿 (178 yen) 同朱古力 (315 yen), 响輕井沢買既鉛芯筆 (441 yen), 仲有响 Mister Donut 買 donut 送既鬆鬆紙袋 ~
本筆記簿已經有好多戰績喇 !!
响輕井沢買既鬆弛熊毛毯, 非常抵呀, 冬日優惠做緊 5 割引, 672 yen 咋 !!
呢個款係最後一張, 本來仲有另一個款 ga, 但好似買咁多都無咩用, 忍手 !!
响輕井沢 Prince Outlet (Nike Shop) 買既波鞋, 二等兵嗰對 2415 yen, 而隊長嗰對超抵, 3990 yen only
, 佢後尾返到香港, 上網見到賣緊 8990 yen ~
响輕井沢 Prince Outlet (Casio Shop) 買既 G-Stock, 隊長白色嗰隻 12600 yen, 而二等兵嗰隻係舊款, 7350 yen 咋, 雖然係舊款, 但二等兵都好鍾意呀 !!
藥物及化妝品類 ~
想講吓支馬油呀, 好抵呀 200 yen 一支咋 ~
食品類 ~
每次都係食物佔大部份, 證明我哋幾為食先得架 !!
仲有隊長至愛既米仔, 佢一晚坐响度睇電視, 可以 KO 一包呀, 暈 …
仲有呢啲家樂牌即沖粟米湯 & 洋葱湯, 响公司得閒沖包嚟飲, 都幾好味呀 ~
响輕井沢買既手信, 曲奇餅, 小蛋糕 & 糖果, 希望你哋鍾意 ~
呢幾包响原宿既新潟手信店買既零食, 又係好好味架 !!
呢幾包就係响鎌倉買既手信, 係試食過先買架, 好味 !!
响羽田空港見到既 “羽田限定” Hello Kitty 零食, 買俾 Hello Kitty 發燒友 Tiffany ~
另外兩罐就係响輕井沢買既紅茶茶葉 ~
好好味既朱古力, 差唔多次次嚟到日本都會買 ~
在輕井沢花畑牧場買既牛奶布甸, 特登留返個樽 ga, 將自己整既布甸扮係北海道直送, 哈哈 ~
見到有本雜誌送鬆弛熊環保袋, 又忍唔住買咗本 ~
响 g.u 買既袋 (990 yen), 好鍾意呀, 圓點波波二等兵至愛呀 !!
都係在 g.u 買既衫襯衫 (490 yen 一件), 又係圓點波波呀,
i’m loving it :)
呢件綿褸真係抵呀, 割引中, 而家 1290 yen 咋, 响香港買件靚啲既褸都唔得啦 ~
隊長响 JINS 配既眼鏡 (3990 yen) 就係呢副啦, 有度數既都只係等 40 mins 就可以取貨, 佢即配即戴, 仲話終於可以睇清楚二等兵喇 !!
唔好以為平野就無牌子, 連鏡框都印有 JINS 字樣 ~
二等兵一直想在 Agnes b 買一個 b 字頭既匙扣 (3675 yen), 因為自己英文名係 b 字頭吖嘛, 今次終於捨得帶你返 HK ~
臨上機前在成田空港買既手信 ~
黑蕉蛋糕 (1050 yen), 好好味, 每次必買之選 !!
另一款人氣 No.3 既香蕉蛋糕 (1050 yen), 呢個反而一般, 但味道都唔錯既 ~
在輕井沢買既小蛋糕, 雖然話係 cheese cake, 但日本既輕芝士真係輕到食唔出有芝士味 ~
雖然今次無去北海道, 但幾年前去北海道買過既夕張哈蜜瓜小蛋糕 (1050 yen) 好好食, 今次見仲有散紙, 一於買埋佢 !!
買埋呢盒之後, 真係連 100 yen 散紙都無喇 !!
============================================
感謝 軍曹基地 提供以上資料
軍曹基地的網誌: http://keroxtama.blogspot.hk/
============================================
