如有亂碼請 “refresh” (press F5)
今日行程 :
万座温泉 (万座 ホテル 聚楽) —> 白系の滝 —> 軽井沢 (Hotel CHECK-IN) —> 旧軽井沢 —> 軽井沢 プリンスショッピングプラザ —> 返 Hotel 休息
隊長, 我哋呢個侵略計劃果然好成功 !!
話說頭先特登响人哋食早餐既時候, 我哋就走去浸溫泉, 成功避開人潮, 我哋再一次响早餐時段避開一窩峰食早餐既人潮, 呵呵呵 !!
朝食 バイキング (西式及日式自助早餐) ~
一見到就兩眼放光
, 嗱嗱臨叫隊長整碗俾二等兵食先 !!
主角出場喇… 隊長既至愛 - 溫泉蛋 !!
呢度 d 溫泉蛋係每日新鮮用万座既天然温泉水製作 ga ~
果醬有 4 款, 分別係橙, 藍莓, 士多啤梨同埋新鮮自家製既蘋果味, 除咗果醬外, 仲有牛油 ga ~
除咗咖啡, 奶茶外, 仲有芒果汁, 蕃茄汁, 橙汁, 西柚汁 & 鮮奶 ~
去旅行最少食既係生果同蔬菜, 呢啲生果啱晒我哋呀 !!
隊長話要試晒咁多種醬呀, 於是佢食咗幾個麵包, 哈哈 ~ 而二等兵就食咗兩碗烏冬, 好味吖嘛 !!
又拎隻溫泉蛋撈烏冬先 !!
又食麵包喇
, 今次試橙味同蘋果味果醬 ~ 結論最好味係蘋果醬 ~ (純粹個人意見, 哈哈)
佢話唔夠喉, 又走去攞多個麵包 …. 都唔知佢一共食咗幾多個麵包呀 ….
今次真係 “食包包食飽” …..
我哋又包場喇, 哈哈, 响二等兵好忙咁影隊長個食相既時候, 隊長亦都好忙咁食緊佢份早餐 ~
二等兵無咩做, 行到餐廳窗口前, 影吓出面既風景先 ~
============================================
感謝 軍曹基地 提供以上資料
軍曹基地的網誌: http://keroxtama.blogspot.hk/
============================================
