如有亂碼請 “refresh” (press F5)
今日行程 :
万座温泉 (万座 ホテル 聚楽) —> 白系の滝 —> 軽井沢 (Hotel CHECK-IN) —> 旧軽井沢 —> 軽井沢 プリンスショッピングプラザ —> 返 Hotel 休息
瞓到半夜, 二等兵無啦啦見到隊長响房行黎行去
, 就問佢做乜事啦, 原來嗰陣只係 4:30 am, 佢話醒咗想落去浸溫泉
, 仲話夜空星星 view 係万座溫泉既 selling point 咁話, 仲話可能無乜人可以影吓相 tim ~
二等兵仲未瞓醒就唔理佢喇, 繼續瞓 … 繼續瞓 ~
過咗半個鐘後, 隊長返黎啦 ~ 佢話勁多伯伯浸溫泉
, 影唔到相 tim, 但係响夜空下望住滿天星星浸溫泉確實係一種享受
~ 外面漆黑一片, 夜空既星星特別光亮 ~
佢咁講, 攪到二等兵成個人醒晒
, 但又想等 7:00 am 食早餐時段先去浸溫泉, 少人啲嘛 ~ 於是我哋就响房傾下偈 hea 吓 ~
無錯 !! 而家講緊係日本時間 5:30 am, 香港時間 4:30 am, 我哋兩條茂李無啦啦醒晒响間房傾偈, 睇電視, 同埋影相 !! 哈哈哈 !!
房內擺放咗一本万座溫泉小冊子, 我哋翻開黎睇吓先 ~
標榜於海拔 1800 m 享受露天風呂, 所以又名 “雲海の湯” ~
万座溫泉另一名物 “空吹”, 各位團友, 去到 Part 3 會有片睇 ~
一年四季都各有特式, 夏天開滿花朵一定好靚呀 ~
二等兵 : “隊長, 我哋可以一年黎 4 次, 每季都有唔同既 view 架 !!”
特別要提既係呢度有幾位中國留學生 (研修生), 由於呢度既 staff 都唔識英文, 所以呢幾位中國留學生响溝通上對我哋真係起咗好大既作用, 唔係雞同鴨講我哋都唔知點算喇 …
等到準時 7:00 am, 隊長同二等兵响各位耆英團友食緊早餐既時候, 就即時走去浸溫泉 !! Go Go Go !!
呵呵呵, 真係無晒人呀, 趁呢個時候二等兵影幾張實景俾大家睇吓啦 ~
其實有室內及室外兩個浴池架, 我哋梗係要出去享受吓雪地浸溫泉既樂趣啦 !!
女浴有兩個浴池, 隊長話男浴果面得一個 bor ~
行出去一刻真係好凍架, 地上又有少少結冰喎, 唔敢行得咁快, 要慢慢行, 好凍呀 !!
影咗幾張相又浸咗陣溫泉, 著返衫行出去抖吓先 ~
浸完溫泉諗住行返上房, 點知俾我哋發現走廊有度門可以行出出外面 !!
原來呢個係觀景台 !!
果幾張椅已經俾啲雪埋住咗喇 !!
d 雪好白好滑呀, 好似二等兵平時整蛋糕時打起既 cream 呀 !!
除咗好靚之外, 都仲係好靚, 好靚, 同好靚 呀 !!
傻等兵已經凍傻咗喇, 留低隊長一個人响外面影相俾大家睇, hehe ~
傻等兵又走返出去玩吓先, d 雪好似思樂冰, 加 d 果汁咪係刨冰 lor ~
返到房, 我哋換返自己 d 衫準備去食早餐喇 ~
============================================
感謝 軍曹基地 提供以上資料
軍曹基地的網誌: http://keroxtama.blogspot.hk/
============================================