自從上次隊長响 D21 食得好開心之後, 佢成日話要再黎侵略, 二等兵怕肥本來都唔答應架, 但佢出絕招, 話要慰勞啱啱 mid- term 完既二等兵, 慰乜鬼勞丫, 擺明就係藉口, 不過為食既二等兵又 “了” 起左條食筋, 於是今日又黎到 D21 喇 !! @@
黎到時間尚早, 唔算太多人 ~
網上聽說 D21 壞冷氣 … ![]()
, 咁大劑, 但係我地兩個為食既 K 隆星人一於無有怕, 我地帶備摺扇, 向住 D21 勇往直前 … 衝丫 !!![]()
一坐低都幾熱架, 不過有微弱既冷氣, 並冇想像中咁焗~ 同埋坐定左就覺 OK, d 人都勁醒, 帶備電動風扇仔 !! 不過一食起野上黎又好熱, 尤其係飲湯果陣, 飲到大汗叠細汗, 如是者, 食下又潑下扇咁就一直食呀食 !!
值得一提既係, 上次的 cocktail 係可以任點款式的, 但今次已經限制左不可任點款式, 只可根據調酒師提供的款式, 本來隊長同二等兵就係一心諗住可以飲自己揀既 cocktail~ 點知今次已經唔得喇 !! 相信係因為慳成本而 “縮水”, 俾 d 較平既酒~
一黎到叫左兩杯 cocktail 先, 一男一女, 男的酒精較重, 女的酒精較輕 !!
木瓜鮮蝦喀嗲 + 香橙水柳醃三文魚 + 溫帶子配橙肉~
超得既法式煎鵝肝 (限量位上) !!
芝士焗法國蝸牛 !! 正丫 !!
芝士焗紐西蘭青口 !!
parma ham + 法國鵝肝醬多士 ~ 正 ~
香草牛油焗帆立貝~ 正呀 !! 上面舊元貝正不在話下, 下面 d 薯蓉一樣咁正 !!
粉絲蒜蓉蒸元貝, 又係正丫, 不過 “薯仔二等兵” 始終鍾意食牛油焗帆立貝多 d !!
生炸妙齡鴿 (限量供應) ~ 呢件乳鴿真係睇佢唔出, 仲好食過出面 d 酒樓 !! 外脆內軟 !! 正丫 !!
品村酥皮魚翅濃湯 ~ 隊長獨享 !! 佢話好正呀 !!
仲要二等兵 show d “魚翅” 俾大家睇下 tim~
元貝磨菇沙律 ~ 上次是一大粒磨菇, 但今次是切開了 1/4 粒的 size, 所以冇咁好食 ~
香蒜扒大蝦 ~ 都係好正丫~ 但二等兵始終覺得品村既牛油扒大蝦正 d ~
焗青螺 ~ 不錯 ~
呢個粉絲元貝蒸蒜蓉自動送黎俾我地食 ~ ![]()
二等兵想食春卷, 叫左一條咁大把, 攪到條春卷好孤獨咁 !!
上次有辣酒煮花螺, 今次就有馬拉盞炒聖子 ~ 又係隊長獨享~ 因為二等兵辣到食唔到 >_<
飲完杯 cocktail, 隊長終於熱到頂唔順, 要叫杯朝日啤酒透心涼, 加埋馬拉盞炒聖子, 呢個配搭簡直絕配 !! ![]()
果木煙熏羊排 ~ ok 唔酥喎 !!
洋蔥湯 ~ 幾好飲, 不過飲完成身熱辣辣 !! 好熱呀 !!!
品村小牛排, 隊長話今次冇上次咁好食, 二等兵覺得今次太生 ><
再黎多兩杯 cocktail 先 ~ 紅色果杯勁重酒精 ><, 白色果杯有椰汁味 ~
鮮蝦多士, 比預期中冇咁油, ok la~
再黎多個香草牛油焗元貝先 ^^
二等兵怕肥唔敢食咁多薯蓉, 所以就抽左中間粒元貝食, 淨返 d 薯蓉俾隊長, 當隊長發現既時候, 粒元貝已經落入二等兵個肚入面喇 !!!![]()
隊長問二等兵 : “咦 ?? 點解中間冇左粒元貝既 ??”
二等兵扮傻 : “係喎… 點解既 ??” ![]()
(心諗: 咪為左俾個氹隊長踏囉 !! 哈哈哈~)
Encore !! 香草芝士焗法國焗牛~
Encore !! 香蒜扒大蝦 ~ 正丫 ~
遲來的香蒜蒸鮑魚仔 !!! 由第一次 order 開始點的這個菜, 到而家食左接近一個鐘先到, 不過 “陳月梅” 勁好人, 幫我跟左好多次~ ^^
好滿足 !!! 因為真係好好味 !!
隊長同二等兵飲左咁多杯 cocktail 開始有少少 wing wing 地, 黎返杯西瓜汁同可樂先 ~
上次已經想叫既忌廉磨菇湯, 因為飲唔落所以冇叫, 今次一定要 order !!
正呀, 好飲過好多餐廳 !! 不過响冇乜冷氣既環境下飲個咁既湯, 結果咪飲到大汗疊細汗囉…….. @_@”
鵝肝醬多士, 再黎多客先 ~
cocktail 都未夠喉, 嗌多兩杯 !! 呢兩杯都 ok~
食到呢個時候, 餐廳已經坐滿 9 成喇 !!
我地叫左咁多食物同野飲都冇嘥野架 !! 全部飲晒同食晒 !!!
終於開始食甜品喇 !!!
呢度重點宣傳用 Haagen-Dazs 雪糕, 仲要限量位上, 我地梗係必叫啦 !! 上次食過有 4 隻味架嘛, 今次問店員佢話得 3 隻味 (香草, 草莓 & 朱古力)揀, 冇左隊長至愛夏威夷果仁, 我地以為又縮水, 由 4 種味得返 3 種味, 點知送到黎既雪糕竟然係夏威夷果仁 !!! 可能佢同香草都係白色, 店員以為係香草 !!! ![]()
"小姐, 我請你飲杯 cappuccino 好嗎 ??"
"又黎 ?? 我都話唔飲咖啡架咯 !!"
呢個係草莓梳乎厘, 好得意, 一般既梳乎厘好似食陣風咁, 但呢個裡面係好 full, 同出面既梳乎厘唔同, 同埋….呢個梳乎厘係勁甜, 好唔好食真係見仁見智…..@@
法式鮮果焗沙巴翁 ~ 質感有 d 似梳乎厘, 但裡面多左 d 雜果, 又係好甜, 如果冇咁甜應該幾好味 !!
隊長剛才飲了杯 cappuccino 後忍唔住要黎多杯 !!
仲加多 2 件 cheese cake, 揀直係絕配, 就好似剛才馬拉盞炒聖子 + 朝日啤酒一樣 !! 哈哈哈 !!
唔好以為呢兩件係頭先果兩件, 大家睇下隻碟同埋 d 拌碟係唔同架 !!
呢兩件咪係隊長話唔夠喉要再 order 架囉 !! 但又唔自己叫喎, 要二等兵幫佢叫, 等服務員 “陳月梅” (梅妹) 以為二等兵咁大食………. @@ !! 二等兵叫既時候佢笑住同二等兵講 : “真係好好味喎 !! ….. ” 我問佢做乜咁好笑, 佢陰陰咀笑話: “無野, 無野 !!” ![]()
大家係咪以為自己眼花呢?? 定以為二等兵又放多次張 cappuccino 既相??
非也 !! 呢杯係隊長今晚既第 3 杯 !!!
二等兵見隔離枱叫左幾個木瓜燉雪烚, 食得咁開心, 唔抵得又叫埋一份 !!!
隊長唔食木瓜, 呢個俾二等兵獨享 !!! kaka !!
呢餐就等二等兵用呢個木瓜燉雪烚作結尾啦 !!!
兩個人食左咁多野, 隊長仲話 : “我以一敵四, 食多 10件 cheese cake 都仲得 !!!”
都話隊長個肚生虫架啦 !!! 一係就佢有 4 個胃, 唔係個肚點可以放咁多野落去丫…..
每人 RMB 138, 埋單用埋張每枱每人減 RMB 8 既 coupon, 我地俾左 $260, 唔知點解仲可以找返 RMB 1 ???
呢條數真係唔識計 !! ![]()
下次大家可以响度 download 定張 coupon !! 咁就每人慳返 RMB 8 !!
http://www.hujiaobeibei.net/shenzhen/meishi/list/____jine
============================================
感謝 軍曹基地 提供以上資料
軍曹基地的網誌: http://keroxtama.blogspot.hk/
============================================
