頭先响農場乾煎完之後, 我地就搭返專線小巴去元朗市中心 ~
因為我地幾乎無乜幾可會响元朗, 屯門出沒, 所以今日難得黎到元朗, 不如試下經深圳灣口岸過境 ~
黎到元朗西鐵站, 我地坐 B2 巴士出發喇 ~~!!!
沿途真係勁好天 ~
仲見到蠔排 tim ~
大約 45 mins 左右, 我地就黎到深圳灣口岸喇 ~ 真係快 ~
話咁快已經入境了, 係因為今日無乜人吖, 定係呢個口岸唔係咁多人用呢 ?? ![]()
本來我地打算去世界之窗 & SZ IKEA 果面行下, 所以我地第一件事要搵個去世界之窗既巴士站先 ~
响巴士站乾煎左 10 mins 左右就有車喇 ~
好彩排頭位, 所以有位坐 ~
話咁快就到站, 一出去見到世界之窗, 唔入去都要留倩影呀 !!!
查實 … 查實我地真係想去 IKEA 行下架, 但我地响世界之窗門口乾煎左一輪, 已經覺得無辦法唔去 d 有強勁冷氣既地方, 加上二等兵唱 K 既慾望越來越大, 所以隊長提議不如去唱 K 算喇 !!!
如是者, 我地就坐返地鐵去国貿站啦, 一支前標响 K 歌王 … 殊不知 …..
門口那位小姐話今日廚房壞左個爐, 所以今日無 K-buffet …
無 K-buffet 都無所謂, 我地都唔係主力黎食野, 最大問題係佢既收費 …..
收費要以每小時計, 每位 RMB 30 / 小時 !!! 嘩嘩嘩 !!! 唱 3 粒鐘每人咪要 RMB 90 囉 ?! 兩個人即係要 RMB 180 呀!!!!!
咁咪仲貴過 HK ??? ![]()
於是二等兵同隊長即時撤退 !!!
我地即時行過對面既 Jelly K !! 加上聽網友推介過, 應該都 OK 既 ~
問題又黎喇 !!!
門口果位小姐黑口黑面, 問佢有無位, 佢話 : “無呀, 你地 14:30 pm 再黎啦 !!!”
二等兵話 : “咁你幫我 BOOK 左位先啦 !!”
黑面小姐 : “我地無得 BOOK 位架喎, 你到時再黎攞位啦 !!”
如是者, 我地大約 14:10 pm 再去到, 今次真係想爆粗 !!!
因為二等兵同黑面小姐登記既時候, 佢只係不停重複 : “我地而家好多人, 等好耐架 !!”
之後佢就不停黑住面咁重複 “而家好多人, 你地有排等”, 但就從來無意思幫人登記 lor !!!
二等兵見勢色唔對, 同隔離另一位小姐登記, 然後上去等位囉, 真係費鬼是理佢 !!
搭 lift 時見到收費表 ~
勁抵呀 !!! RMB 25 / 位, 包 buffet, 唱 3 hrs !!!
如是者, 我地等左 30 mins 先有位, 不過都比預期中快喇 …….
房間都幾大呀, 但唔算十分之乾淨 ~
設備齊全, 有兩個 controller, 都好方便 ~
最鍾意係呢個同 K 歌王一樣既 touch screen 揀歌 panel, 但佢多過 K 歌王一個 function, 就係有手寫搵歌功能 !!!
二等兵成功透過呢個功能搵到 “我想大聲告訴你” hehe, 因為原來佢將呢個歌手歸納為 “網絡歌手” … ![]()
食物方面都唔錯, 右手邊呢碗粉同 “文輝” 差唔多, 幾好味 !!!
野飲就難飲 d lor … 直頭唔掂 ….
隊長狂出去攞野食 …..二等兵就係咁唱唱唱 !!! ![]()
encore 既魚蛋粉 !!! 仲有好媽媽 feel 既西洋菜湯 ~
啫喱糖 =.=” 隊長話要比較下喎 … @@
好喇, 戲肉出場 !!!
話晒今日係 7-1 回歸日, 我地應下節先 ~~
黎 … 大家 “起來”, 一齊唱首國歌先 !!! ![]()
"我們萬眾一心 … 起來起來起來 …."
冒著敵人的炮火前進 …..
前進
前進
前進進
多謝各位收聽
============================================
感謝 軍曹基地 提供以上資料
軍曹基地的網誌: http://keroxtama.blogspot.hk/
============================================
