適逢聖誕假期, 二等兵同隊長又想去深圳侵略下先 ~
上到黎已經係食午飯時間, 我地响金光華廣場附近兜左個圈搵野食, 都無乜心水選擇 !! 行行下見到呢間 “蒙自壹品” 既過橋米線, 查實隊長同二等兵都幾鍾意食米線 ga, 但隊長略嫌 HK 食開果 d 都唔係好正宗, 我地企响門口見到呢間都唔錯就決定入去試下啦 ~
睇左陣餐牌, d 野食都唔貴, around 十零廿蚊都有碗米線 ~
隊長揀左呢個錦上添花過橋米線 (RMB 18), 有豬肚絲, 肥牛, 金菇等材料 …..
服務員上菜啦 ~
隊長就係唔鍾意 HK 果 d 整定晒, 佢話好似呢 d 咁, 到客人桌上先將材料放入湯度先叫正宗 ~ 隊長話再正宗 d 應該仲要有層油响面 tim, 不過成層油响面而家似乎不合時宜, 少吃為妙, hehe ~
最後就加埋米線 ~
食得 !!! 雖然米線略為淋左少少, 但都可以接受, 味道方面都幾啱胃口 ~
二等兵呢個係牛肉涼拌米線 (RMB 12) ~ 可以揀酸辣或酸甜, 二等兵怕太辣, 所以揀了酸甜 ~
雖然係酸甜, 但唔係好甜架咋, 反而仲有少少辣, 不過 OK 啦 ~ 牛肉同五香肉丁都好好味, 唯一係二等兵唔食呢 d 花生, d 花生俾隊長掃晒 ……
見 d 食物咁平又幾好味, 於是叫多個涼拌青瓜 (RMB 7) ~ 青瓜幾爽口, 加上有陣蒜蓉味, 唔錯 ~
KO-ed !!!
Total : RMB 37, 正 ~
============================================
感謝 軍曹基地 提供以上資料
軍曹基地的網誌: http://keroxtama.blogspot.hk/
============================================
