終於黎到戲肉喇 !!!
早輪响網上聽到網友說品村及 D21 都加價, 一加仲要加成 RMM 20 !! 唉, d 大陸店舖通常都係咁, 一出名就係咁加加加, 記得第一次去品村食都只係 RMB 118, 後尾加到 RMB 138, 到而家 RMB 158, 半年內已經加左 3 次喇 !! ![]()
又話說, 收到網友報料, 上次張 coupon 仲可以用, 但 deadine 是 2 JUL, 所以隊長咪話 7-1 要黎多次 D21 囉…… 第三次喇…… ![]()
原來做隊長背後既二等兵係要接受一間店舖吃三次都唔厭…. ![]()
今次 D21 打正旗號加價, 連張墊枱的紙都換了宣傳 Haagen Dazs 的膠片~
唔知係咪因為 7-1 呢 d 敏感時期呢 ??? 今晚無電視睇 … @_@
因為肚餓既關係, 所以我地 5:40pm 就入座喇 !!! 黎到仲見到夕陽餘輝, 好浪漫呀隊長 ~
太早既關係, 只有兩枱客咋, 隊長唔通你又包場?? (你就想, 好快就坐滿晒喇!!)
先黎杯橙汁先~
再黎兩杯 cocktail ~ 今次唔係用 cocktail 杯既 ??
兩杯味道都 OK~
好喇, 介紹左 3 次, 我都唔詳細介紹喇, 大家睇片啦~
仍然係超得既鵝肝~ 好滿足 !!!
一人一份唔使爭~
焗蝸牛 & 帆立貝~, 仍然維持到水準~ Good 丫~
鵝肝醬多士 + 2 款前菜 ~ 同上次一樣, 好味 !!!
隊長獨享既 “酥皮魚翅湯” ~ 隊長次次都讚口不絕 !!!
不過今次唔夠咸 ~
焗青口 & 青螺, 麻麻地, 太硬~
另一個主角出場喇 !!! 鮑魚仔 ~ 正呀!!! 都係維持到水準丫~
over over, 有新發現 !!! 芝士焗龍蝦仔!!! 上次無架, 但呢個要兩溝 (西餐 + 日本料理) 先可以叫架, 所以我地無得食 !!
題外話, 話說二等兵想食 “酥炸豆腐”, 點知賣晒 !!! 賣晒 ?? 鮑魚鵝肝就有得食, 反而豆腐 d 平價野就賣晒, 掂呀 !!! 可能 D21 唔想俾隊長 “食豆腐” 咋掛?! (隊長話 : “爛 Gag !!”)
又題外話, 隊長想翻炒 “辣酒煮花螺”, 但黑衫經理話供應商未黎貨, 要晏 d 先有, 但晏 d 我地再 order 都係無, 隊長無福消受 !! ![]()
隊長 warm up 完, 食完一輪前菜, 開始主攻肉類喇 !!!
果木煙薰小牛排 & 品村小牛排各一客先 ~
隊長食第一啖之後, 好興奮話 : “wow~ 正呀, 終於搵返第一次食既感覺喇 !!!”
真係正丫, 夠稔又有肉味 !!!
二等兵叫既蟹鉗, 隊長話唔食, 所以叫左一隻咁大把, 攪到隻蟹鉗好孤單 !!!
隊長開頭睇唔起隻蟹鉗, 點知二等兵俾隊長試左一啖, 就猛話好味好味~~
本來我地點六隻蒜蓉扒大蝦, 但店員話兩個人最多一次只可以叫兩隻, 你想罰抄我無理由阻止你架嘛, 咁陣間俾你罰抄多幾次 (再 order) 啦 !!
牛仔骨, 食完個果木煙薰小牛排之後, 呢個牛仔骨就變得平平無奇…..
頭先兩件小牛排實在令隊長太回味喇, 於是二等兵既 quota 就俾埋隊長, 佢再 KO 兩件小牛排 !!! (果然 “食” 量驚人 !! ![]()
)
呢杯 cocktail 叫 “凝凍莫西多” !!! @_@ 西多 ??
綠色既隊長遇到綠色既飲品就情有獨鍾, 點知原來係隊長唔飲既薄荷酒…..
不過好彩薄荷味唔勁, 所以隊長都成杯飲晒~
肉醬意粉 !!!!!!
第一次黎到已經想食架喇, 上兩次都食唔落, 今次應該係最後黎 D21 喇, 點都要試下 !!! 正呀，正過好多 HK 餐廳 !!!
乳鴿 !!! 好味丫~ 維持到水準~ 皮脆肉滑!!!
洋蔥湯~ 一般~
之前一直唔敢試既凍蟹, 今次踏出第一步~
正丫, 幾新鮮喎, 有鮮味, 唔錯丫~ 隊長怕麻煩唔食蟹, 二等兵獨享~ 呵呵~
咖喱角, 好油, no good…..
哈哈, 我地無嘥野架 !!!
蒜香雞中翅, 以為雞翼裡面會釀翅, 點知無, 有 d 失望~
橙汁 encore~
cocktail~ 呢杯好味~
食完一輪肉類, 又再食吓小食 & 前菜先~
再嚟焗蝸牛 & 帆立貝 ~~~~
呢個時候餐廳已經 full 晒喇 !!!
d 侍應都做唔切, 平時好快收晒 d 碟, 今晚多人到收唔切~
二等兵話 : “隊長, 你望下嗰面…..” 然後以極速 0.1 秒將兩件焗蝸牛 & 帆立貝放入口…..
哈哈, 頭先叫唔到 6 隻蝦, 而家咪又 encore~ !!
@_@, 得 d 殼既 ??
(隊長已經
以極速將兩隻蝦
放左入口…..)
乳鴿咁得, 食多轉先~
睇個樣都知幾得 !!
但其實真係 “妙齡乳鴿” 咋, 你睇兩隻加埋先 = 一支牙簽既長度…. @@
隊長成日見到 d 人出去攞蛋糕, 於是派二等兵出去剌探軍情~
原來出面有個 area 擺左 d cake 同埋朱古力噴泉~
唔好意思, 呢張手震 tim ~ ![]()
海鮮 bar !!
呢杯甜品係 cream + 士多啤梨果醬, 好味丫~
隊長終於食甜品喇 !! 梗係叫佢至愛, cheese cake 啦 !!!
仲有 cappuccino tim !!!
二等兵想試新野~ 呢個係 “開心果雪冰霜”, 無特別, 只係雪糕下面加片雪梨墊底, no good….
又係二等兵獨享既木瓜燉雪烚~
KO-ed ~~~~
今次 d Haagen Dazs 雪糕有 5 種味, 多了一款綠茶味~
cheese cake encore !!! 加多件葡撻 tim !!
最後飲多杯 cappuccino 為今晚畫上完美既句號。
都唔係食左好多野姐, 隊長話 : “濕濕碎啦!!!”
用埋張 coupon, 埋單 RMB 260
網友明明話有 coupon 送架, 點解我地無架??? 9 成 9 係佢地點左隊長相喇 !!! 大食得滯食到佢地蝕本…..><”, 下次都係要戴番個軍曹面具至得 !! 哇哈哈~ ![]()
============================================
感謝 軍曹基地 提供以上資料
軍曹基地的網誌: http://keroxtama.blogspot.hk/
============================================
