頭先响酒店 hea 左成個鐘後, 我地又出發喇 !!
隊長, 你帶我地去灣仔 ??
無錯, 我地坐 62 号巴士, 坐左半個鐘左右, 黎到灣仔口岸喇 !!
咦, 對面原來係澳門黎 ga ~ (十六蒲酒店)
仲見到觀光塔 tim ar ~
往 灣仔海鮮街 方向行, 竟然見到一個迷你大三巴 !!
仲有好多寫住 “澳門” 既野呀 ~
都理解到既, 雖然呢度同澳門一岸之隔, 但大陸人唔係隨便過去澳門, 所以呢度就整咗咁多澳門既野 lor ~
連地板都有澳門市既色彩 ~
灣仔碼頭 ?? 有冇水餃呢 ?? ![]()
見到海鮮街海味中心, 入去睇下先 ~
咦, 隊長, 你駛架戰車黎做乜呀 ??
入面係賣乾貨海味, 我地當然無收穫啦 !!
响海味中心無收穫既我地, 轉戰去海鮮街 !!
其實我地都想响度食餐海鮮, 所以我地事前已經做晒功課喇 ~!!!
我地可以响街市入面買定海鮮, 然後揀間舖頭以加工價叫佢地炮製 ~
如果自己買嫌煩既話, 可以直情揀間似樣既舖頭入去食 !!
呢度成條街都係食店, 揀邊間好呢 ?? 不如我地先睇下有邊幾間食店 ~
海角一號 ~
渔家乐美食园 & 華豐漁港 ~
隔離條街就係街市喇 ~
金碧濤海鮮樓 & 湛王海鮮餐廳 ~
百里鮮 & 金灣食王 ~
川林酒家 ~
睇到呢度, 再加上各位網友既意見, 我地大致都決定咗搵邊間加工 ~
由於時間尚早, 我地响灣仔休閑公園 hea 下先 ~
hea 既活動梗係要預埋鬆鬆一份啦 !!
隊長, 你做咩對隻馬咁殘忍 ??
好喇, 我地轉戰去街市買海鮮 !!
由於隊長同二等兵都係第一次去買海鮮, 二等兵發揮師奶既本色, 又要講價又要顧住佢有無呃秤, 仲要顧住佢有無找少錢 tim 呀 !!
所以, 以下過程全程無影相 !!! ![]()
响呢度買海鮮, 記住一定要講價, 同埋佢秤果陣, 記住叫佢倒返 d 水出黎, 其實呃秤就一定有啦, 但唔好太過份都 OK 既 ~
好喇, 我地首先成條海鮮街行一次先, 睇下 d 人買既野大約幾錢左右, 就算講價都識講吖嘛, 同埋有幾檔係好難講價架, 我地梗係唔揀果幾檔啦 !!
仲有呀, 好攪笑, 旁邊的食店响我地買緊海鮮既時候不停過黎拉客, 叫我地入去坐, 果陣情況都幾混亂 ga, 佢地攪笑到會幫你手一齊講價, 所以我懷疑佢地其實有掛勾的 ~
經過一輪議價還價同好混亂既情況下, 我地終於買晒想食既野喇 !!
睇下我地買左咩 ?? 花螺 (RMB 30 / 斤)
蟶子 (RMB 13 / 斤)
海蝦, 勁新鮮 !! (RMB 22 / 斤)
P.S. 呢度既 1 斤大約得 10 - 12 両, 請留意 ~~
扇貝同鮑魚一齊講價, 原價每款 RMB 30 (6 隻), 而家兩樣夾埋 RMB 50 (各 6 隻) ~
買完材料, 我地揀左呢間 金坊食店 (呢張相係後尾食完補影既) ~
查實間間食店都走出黎拉客, 又話送糖水又話送生果, 唯獨呢間 “金坊”, 都無人出黎拉客, 但網友話呢間食店煮得幾好味, 見佢未夠 18:00 pm 樓下已經坐滿客, 所以我地都揀佢 !!
樓下已經滿座喇, 2/F 就剛剛開 ~ 但見到枱面貼晒 “乜乜先生留位” 既紙條 ~
二等兵 : “隊長, 包場半 hr 係咪你悉心既安排吖 ??”
隊長 : “Of course la ~~” ![]()
二等兵 : “隊長, 好肚餓呀, 我地快 d 睇下菜譜先 ~”
隊長 : “二等兵, 查實我已經一早預備左慶祝二等兵壽辰既壽宴菜單喇 !!”
其實除了少左個老火例湯外, 其他餸菜都兌現呀, 勁 !!
今日咁高興, 我地梗係要啤啤佢啦 !!
超凍既海珠啤酒 (RMB 6) & 王老吉 (RMB 6)
白灼基圍蝦 (蝦 RMB 22 + 加工費 RMB 6 = RMB 28), 數過有 26 隻 ~
好新鮮, 勁鮮甜 !!
豉汁炒蟶子 (蟶子 RMB 13 + 加工費 RMB 15 = RMB 28)
都幾入味, good ~
呢個時候, 已經成枱都係野喇 !!
蒜蓉粉絲蒸扇貝 (扇貝 RMB 25 + 加工費 RMB 13 = RMB 38)
開邊蒸所以變左 12 隻, 超好味 !!! 响 HK 呢個價錢一定食唔到 !!!
果皮蒸鮑魚仔 (鮑魚仔 RMB 25 + 加工費 RMB 13 = RMB 38)
快 d 襯熱食喇 !!!
真係 9 孔鮑 !!!
蝦醬炒通菜 (RMB 20), 又老又多莖, 仲要好咸, 唔掂 !!
叫多罐王老吉 & 1 支海珠啤先 ~
鹽焗花螺 (花螺 RMB 30 + 加工費 RMB 20 = RMB 50), 數過得 32 隻咋, 明顯呃秤 !!
鬆鬆 : “雞仔, 呢個鹽浴係咪要黎減肥架 ??
不如你埋咗自己落去做鹽焗雞 !!”
响香港通常都係辣酒煮花螺, 好少見有鹽焗 ga ~
開始尋寶 ~
二等兵第一次食鹽焗花螺, 好好玩 ~
好肉地 !!! 好入味 ~
呢個時候已經坐咗 9 成滿了 ~
隊長指定食糧 - 揚州炒飯 (RMB 18)
撇除材料既問題, 其實個飯炒得好好味 !!
炒到一粒粒, 勁乾身 !!! 又無乜油, 正 !!
KO-ed !!
最尾仲送生果 (西瓜), 唔知做咩大家都唔記得要影相 !!!! ![]()
鬆鬆 : “雞仔, 弊啦 … 頭先食得咁過癮, 原來呢餐要做人情架 ….”
埋單 : RMB 131, 計埋材料 RMB 115, 呢餐 Total RMB 246 (2 人)
其實在香港食海鮮下下都千千聲, 所以呢餐都好抵喇 !!
食飽飽, 以輕鬆既心情再四圍行下, 影下相先 ~
呢度就係頭先放彈藥既街市喇 ~
一條大直路 ~
我地就係幫襯呢檔喇, 全部材料都係來自同一檔, 方便講價吖嘛 ~ ![]()
鮑魚仔, 扇貝, 花螺 …..
嘩 !!!!! 鯊魚呀 !!!!!!!
呢位阿姐响度開蠔, 不過隊長同二等兵都唔食蠔既 ~
呢間 一品鮮 門口有個印度人响度整薄餅 ga, 可惜我地食唔落吖, 如果唔係都想試 ga !!
嘩, 突然開始落起雨黎, 仲要係暴雨果隻, 我地避左 20 mins 見細少少雨即時撤退返巴士站, 諗住等返頭先架 62 号巴士, 點知黎兩架, 兩架巴士都唔載客 !!!
隊長突然發現原來尾班車係 20:30 pm !!
咁早尾班車 ??? 有 d 路線直情係 19:30 pm 尾班車 tim 呀 !!!
於是我地同另一對正在等車既情侶 share 坐一架的士返去拱北關口 !!
勁抵呀, 車費都係 RMB 16.6, 我地兩個即係俾 RMB 8 !!!
返到酒店附近都未夠 21:00 pm, 其實我地想去唱夜 K ga, 但係 d 雨大到不得了, 又行雷閃電咁, 所以後尾都係留返响酒店瞓覺算喇 !!
夜晚攞返今日既戰利品出黎 ~
果粒橙新出既奇異果汁及番石榴汁飲品 (RMB 3.5 each)
奇異果汁太酸喇, 而番石榴汁甜甜地, 好味 ~
隊長古古惑惑咁, 收埋左呢兩把扇响枕頭底, kaka ~
其實呢份唔算係生日禮物, 生日禮物係另一樣野 ~ hehe ~
好鬼鍾意右邊呢個圖案, 仲要寫住 “不公平” 哈哈 ~
好喇, 又到唱生日歌時間 ~~
左邊橙色西餅 (RMB 2.5), 呢件係標準國產蛋糕既味道, 亦即係聖安娜果類貨色啦, 不過隊長好鍾意食呢種西餅 ~
而右邊呢件係特濃芝士餅 (RMB 7), 同 HK 果 d cheese cake 水準差唔多吖, RMB 7 一件, 計返都係 HK$8, 抵啦 !!!
响拱北口岸廣場地下街見到有間好靚既精品店, 裡面竟然見到有韓版鬆鬆既文具 !! 原來鬆鬆已經侵略埋韓國喇 !!! 呵呵 ~
鬆鬆記事簿 (RMB 10) & 鬆鬆筆 (RMB 3.5)
記事簿有 5 個款, 只係買左一款 ~ 因為呢款質素最靚 ~
內裡都係彩頁 ~
勁可愛吖 ~
可愛, 可愛, 可愛 !!
下回 : Hea 遊 珠海 - Day 2 Part 1
============================================
感謝 軍曹基地 提供以上資料
軍曹基地的網誌: http://keroxtama.blogspot.hk/
============================================
