話說今日有事要到旺角一趟, 順理成章要在旺角開餐, 但係我地已經好少揀旺角開餐喇, 覺得 d 野唔抵食之餘又唔係咁好食 ~ 於是隊長下午就上網睇下網友既食評, 就找到呢間小店 ~黎到無咩人吖, 職員安排我地坐一張好窄既二人枱, 食到最尾先發現, 兩位果 d 全部係坐四人枱, 有兩枱仲要係坐 6 人枱喎, 唔知點解職員要安排我地坐呢張超窄既二人枱囉 … ![]()
牆壁上掛上呢個巨型 JR 路線圖, 隊長又睇到入晒神喇, 掛住睇唔理二等兵 … ![]()
好喇, 睇下我地叫左 d 乜先 ~
二等兵叫左呢個讚歧天婦羅拉麵 ($48) ~
天婦羅 set 包括 : 蝦兩條, 青椒一片, 茄子一片, 冬菇一件及蕃薯一片, 炸蝦俾兩條都算唔孤寒喇 ~
唔會炸得油淋淋, 食落都唔錯 ~
拉麵應該係普通豬骨湯底, 湯底都 OK 喎, 唔似用味粉開果種 ~ d 麵又唔會淋 pat pat, 幾好味 !!!
隊長呢碗係北海道帶子拉麵 ($45) ~
隊長呢個湯底明顯係好食 d, 因為有牛油味, 正 ~ 不過帶子咁細粒都要開邊 =.=
一碗拉麵又點夠隊長填肚呢 ?! 俾佢發現可以 + $15 叫一個迷你飯, 佢揀左呢個溫泉蛋黑豚肉迷你丼 ($15) ~
黑豚肉都幾好味吖 ~ 亦好鍾意佢隻蛋 ~
餃子都幾吸引咁 bor, 於是又叫黎試下 ~
自家制餃子 4 隻 ($25) ~
煎得幾靚下喎 ~ 估唔到咁大隻 tim, 裡面係脹滿 ga ~
隊長又 KO 左碗拉麵喇 ~
盛惠 $133 (免加一)
味道唔錯, 又幾抵食, 下次會再侵略 ~
題外話, 話說斜對面有對中年男女, 個男人成晚扮樹熊攬住佢身旁果位中年女士, 之後仲不停响大庭廣眾咀晒咁, 個男既見 d 食物未黎, 就企起身, 企响個女士身後幫佢揼骨, 真係睇到眼怨, 好心呢 d 野留返响屋企做啦 !!! ![]()
============================================
感謝 軍曹基地 提供以上資料
軍曹基地的網誌: http://keroxtama.blogspot.hk/
============================================
