Lunch 响 “風林” 食完飯後, 我地就去遠行喇 !! 無錯對我地黎講, 去觀塘同藍田就好似遠行咁, 辦完正經事後, 我地就搭巴士去左九龍城醫肚 ~~隊長星期一已經 plan 定今晚餐 dinner, 係因為上星期六晚佢無飽飯食, 為左唔想難為佢肚皮, 二等兵就任由佢發揮喇 ~話時話, 中菜黎講, 隊長同二等兵都幾鍾意食潮州野呀, 諗起都流口水 ~
因為明知星期六, 日會多人, 所以我地 6 點就黎到喇 ~
果陣仲有卡位坐, 呢枱兩個男仔遲過我地一步, 已經無得坐卡位喇 ~
隊長至愛既咸菜胡椒豬肚湯 ($30/碗)
兩個人一碗夠晒喇 ~ 你睇, 都幾足料架 !!
個湯好正呀, 雖然二等兵受唔到辣, 但係鍾意食豬肚同咸菜呀 !!
鹵水鵝拼大腸 ($60)
俾咗隻鵝脾, d 鵝肉入晒味, 就算唔點醋都好好味, 正呀 !!
通常出去食, 都係大腸多過鵝啦, 但佢明顯係鹵水鵝多過大腸喎, 無呃砰 ~
咁開心梗係要啤啤佢 !!!
珠江啤酒 ($8)
川椒雞 ($50)
鬆鬆 : “雞仔, 唔好意思喇 !!!” ![]()
走油走得唔會過火 ~ 都有 d 肉汁呀 ~ d 川椒葉好味 ~
呢個反沙芋 ($48) 係呢度既名物黎架, 我地梗係要試下啦 !! 話時話, 我地都係第一次食呢個潮州名菜 ~
其實呢味菜真係好考功夫架, 因為 d 糖一落鑊就好易燶, 所以要好有功架先炒得好味 !!
好好味, d 芋頭勁粉, d 糖又炒到硬硬地痴住响塊芋頭度, 又唔燶, 真係好好味 !!
有 12 件, 二等兵忍唔住食左 3 件, 其他俾隊長 KO 晒 ~~
呢個時候, 送糖醋麵俾我地果位伙記見到我地仲有個糖醋麵既時候, 都忍唔住 O O 地咀話 : “糖醋麵你地架 ??” 哈哈, 咁又真係估我地唔到既, 仲食得落個糖醋麵 …..
糖醋麵 ($48)
二等兵 : “隊長, 乜你咁有情趣既, 個糖醋麵係心型既 ~"
![]()
又係呢句 : “好味 !!”
埋單 : $244 (免加一)
隊長話 : “終於有飽飯食喇 !!!”
============================================
感謝 軍曹基地 提供以上資料
軍曹基地的網誌: http://keroxtama.blogspot.hk/
============================================
