隊長呢排成日都上網搵食, 無意中俾佢見到網友推介既牛餅爺爺 ~
今日見無乜特別野做, 於是放工後我地就黎到西環試下喇 ~
舖內都幾骨子, 唔算大, 但都幾多街坊幫襯 ~
好喇 … 睇下食咩好先 ~
我地揀左兩個經濟麵餐, 另外 +$6 有一款小食 ~
呢個係隊長揀既小食 - 紅油抄手 ($6 / 3件)
佢話辣得黎好好味呀 ~~
二等兵咁鍾意食小籠包, 諗都唔使諗就揀左佢 ~ ($6 / 2件)
好味喎, 個皮唔算好薄, 但都可以接受 ~ 裡面又有肉汁 ~
至於麵食方面, 隊長就揀左呢個排骨湯麵 ($20), 塊豬扒太厚粉, 佢話麻麻地 ~
反而個麵餅佢話幾好味 ~
二等兵就揀左呢個牛肉水餃湯麵 ($20) ~
個牛肉水餃係用鮮牛肉, 唔係好多地方有得叫, 幾好味吖 ~
另外我地再叫左個本店招牌菜 - 牛肉餅 $8/個, $15/2個 ~ 我地叫左一個咋 ~
牛肉餅好味吖, 又有肉汁响裡面, 塊皮都唔厚, 5 分滿分既話俾 4 分 !!!
麵餐送既桂花糕, 清清地唔錯 ~~
仲有跟餐既免費飲品 - 芒果茶 !!! 味道好似 “菓然系茶” ~ 好味 !!!
Total : $60, 抵 !!!
============================================
感謝 軍曹基地 提供以上資料
軍曹基地的網誌: http://keroxtama.blogspot.hk/
============================================
