隊長, Happy Birthday !!! ![]()
今日係隊長生日, 之前有幾個選擇俾隊長, 可能隊長想趁生日既大日子同二等兵回憶下往事, 所以揀左佢以前都去過幾次既跑馬地嫦記 ~
題外話, 跑馬地真係多明星, 話說我地行去跑馬地街市途中, 見到有架林寶堅尼泊响路邊, 隊長呢 d 車迷梗係望多兩眼啦, 再望下車牌 “SKY”, 原來係郭天王架車, 二等兵一知道係佢, 即刻拖住隊長走去望下司機位同司機位旁邊既乘客, 原來郭天王响架車度買緊生果, 得佢自己一個人, 前後唔夠 1 min, 架林寶堅尼已經絕塵而去 !! 隊長, 你咁都留意到度架車係郭天王, 你有潛質做狗仔隊呀 !!! kakaka ~ ![]()
好喇, 睇完天王, 我地去片睇吓野食先 ~
唔知係咪因為跑馬日, 好似無乜人咁既 ?? 隊長 3 年前黎過係好多人架喎, 當年除左魚翅之外, 連扇貝都要訂, 當年幾咁風光 ….
食乜好呢 ?? let us see see ~
隊長 : “伙記, 俾盅翅我 “浪” 下口先 ~~~” kakaka ……..
呢度出名係食翅架, 呢盅 “上湯雲腿雞燉翅” ($68)
都幾多翅架, 同埋無乜味精, 都幾真材實料 ~
日燒 BB 豬寸骨 ($68)
甜甜哋, 味道好正, 但略為燒得過左火, 有 dd 靱, 不過都可以接受, 唔錯 ~
虎年鬆, 你想一個人食晒呀 ???
百花蒸釀豆腐 ($55)
隊長偷睇到係用百福豆腐 ~ 味道淡左 d, 蝦膠味唔錯, 不過 $55 得 8 件好似貴左 d ~
咁開心, 隊長梗係要啤啤佢, 喜力一支 ($20) !!!
吓, 未飲已經醉咗 ???
隊長呢個飯桶梗係無飯不歡啦 !!! 更何況係生日既大日子, 二等兵梗係要俾飽飯隊長食啦 !!! kakaka …..
呢碟係揚州炒飯 ($35) ~
虎年鬆, 唔好掛住飲啤酒啦, 望下鏡頭先 ~
Total : $246
隊長, 滿意呢餐生日飯嘛 ??![]()
============================================
感謝 軍曹基地 提供以上資料
軍曹基地的網誌: http://keroxtama.blogspot.hk/
============================================
