巡場完畢, 都肚餓喇, 梗係即刻拎野食先!!!
首先飲啖果汁濕下個口先 - 青檸綠茶 & 雜果賓治~
樣樣攞少少試下先~
其實本來未攞魚生住, 但二等兵企响度攞煙三文魚既時候, 哥哥仔就即刻問二等兵想要邊種魚生, 咁二等兵梗係叫啦~
三文魚都有五片架!!!
左手邊果個係好好味既鰻魚豆腐~
隊長先黎凍蝦, 翡翠螺等等~ d 鴨肝又幾好味架喎 !!
二等兵唔客氣喇, 試下 d 龍蝦仔同凍蝦先, 龍蝦仔一流, very good, 凍蝦一般~
仲有 d salad 都好好味!!!
隊長又樣樣試下 !!! 佢話 d 壽司好味吖~
八爪魚 & 冷麵~
雜果賓治 & 橙汁~
話咁快二等兵就開始試熱盤, 但熱盤始終唔係二等兵 target, 所以只係象徵式攞左少少, 之後又走去攞魚生喇 !!
豬仔骨同龍脷魚卷 & 咖喱薯仔都唔錯~
你睇叫多幾款魚生, 三文魚都仲係有 5 片, 好過九龍酒店好多~
隊長都開始食熱盤喇, 佢話無飯到肚唔得架!!!
佢話炒飯, 魚類同菜都好正, 炒麵略咸, 其他既不吃也罷~ 留返個quota 食甜品好過 !!
中湯好有 “媽媽 feel” ~
二等兵再黎龍蝦仔先~ yummy!!
隊長又侵略返冷盤~
二等兵已經攞甜品喇!!!
仲有兩個雪糕球 tim!!!
隊長响度 Busy 緊食野既時侯, 眼見二等兵好得閒咁, 於是就差遣二等兵出去整窩芙 !!!
二等兵出到去, 費事自己雞手鴨腳咁, 於是就麻煩靚仔經理幫我整喇!!!
從來都未玩過既朱古力噴泉, 今日見無乜人, 試下先~
仲有仲有, 二等兵至愛 — 心太軟呀!!! 朱古力味好濃, 真係做到軟心效果, 正呀!!!
剛才隊長食咗成塊格仔餅之後話好好食, 要 encore, 於是親自出馬!!!
呢隻手唔係隊長架, 哇哈哈!!!
較左 2 mins 30 secs, 等既時候隊長問二等兵 :
: “仲乜唔買個窩芙機返屋企呀 ??
"
: “仲乜要買部窩芙機返屋企呢 ??
”
: “買左個窩芙機, 咁我咪日日都有格仔餅食囉 !!!
”
: ”
“
2 mins 30 secs 後……
加多兩球 Haagen Dazs 雪糕响面先 !!! 勁正!!!
呢塊格仔餅好快俾我地侵略完畢喇!!! 哇哈哈!!!
攞多兩杯野飲下先~
……隊長呢個時候仲可以返炒熱盤 !!! 唔通佢真係好似小小話齋, 佢真係有 4 個胃???”
仲飲埋湯 tim…….
仲有新出既白汁燴田螺~
食到呢個 moment, 突然好想飲杯熱檸水同熱紅茶~
坐左陣, 又走去拎兩粒西瓜食下先~
隊長果然係隊長, 仲可以飲多杯 Fruit Punch !!!
仲走去大排檔淥菜呀……
二等兵心諗 : “佢應該用緊第 4 個胃掛 ???”
最後加多球士多啤梨雪糕先收手!!!
佢話今晚搵到飽既感覺………
Total : $376
值得一提既係, 每枱六人以上如果有壽星仔/女, book 位時預早同佢講, 就會送上一個免費蛋糕 !!! 雖然係普通鮮果蛋糕一個, 但可以有一個蛋糕俾壽星仔/女切餅慶祝生日, 氣氛一流 !!
除左部份熱盤類較一般外, 其他食物都係唔錯的, 以 $188/位來說, 都係一個唔錯既選擇 !!!
============================================
感謝 軍曹基地 提供以上資料
軍曹基地的網誌: http://keroxtama.blogspot.hk/
============================================
