自從去了銅鑼灣 center 返學之後, 二等兵上學日就無啖好食了….
今日星期五, 又是上學日, 但今日有 d 唔同, 因為返學前約了友人有事商談, 所以我地黎到學校對面的北海道牧場餐廳食個 tea 先返學~
呢度 d 食物同澳洲牛奶公司的食物好相似, 但呢度有個招牌貨, 就是標榜用北海道 3.6 牛奶炒蛋, 所提供的牛奶類飲品都是用 3.6 牛奶去沖製~
好, 我地黎睇下有咩特別先~
二等兵先到達, 一個人坐在出菜位附近, 當時有店員等出菜, 竟然 “坐” 在二等兵的枱上!!!! 唔係下嘛?? 我望住她, 她才醒覺這張枱原來有客, 先立即起身!!!
等到友人來了, 看看餐牌, 二等兵點了 “北海道套餐” ($35), 包括以下食品 :
火腿雙蛋 (太陽蛋, 反蛋或炒蛋)
叉燒湯意粉
牛油多士
北海道咖啡或茶
因坐的位置較暗, 所以 d 相影得好黃, 請見諒!!
炒蛋標榜用北海道 3.6 牛奶炒, 但食落唔覺有咩特別, 多士都係一般貨色~
其實呢度係西式還是中式餐廳呢? 看格調就好西式, 但又有得食叉燒湯意粉, 同這裡的環境有點格格不入, 是因為呢度既老闆老翻人地澳洲牛奶公司? 定還是老闆鍾意食叉燒呢?
叉燒湯意粉, 又係無咩特別喎…..
叉燒得 5 片…..
戲肉黎喇, 茶餐 $35 都唔包北海道 3.6 牛奶, 這杯牛奶跟餐 + $4
其實二等兵响 HK 未試過買 3.6 牛奶, 對上一次飲北海道牛奶真係在北海道飲, 我都知 HK 既 3.6牛奶唔可以同北海道飲果 d 相比, 但呢個牛奶真係唔覺好香濃奶味, 同超市買的牛奶公司鮮牛奶無咩分別咋喎, 味道好淡, 一 d 都唔香濃………究竟係咪真係用北海道牛奶先?
友人叫了 “日本牛奶布甸” (加煉奶) ($28), 因她喜愛吃煉奶, 所以覺得好好食, 不過二等兵覺得咁細杯, 定價 $28 實在貴左 d……
Total: $67
食物無咩特別, 標榜選用既北海道 3.6 牛奶大失所望, 加上服務又麻麻, Not worth at all…..
不過都有一個優點既, 就係可以慢慢食, 唔似澳洲牛奶公司食到咁趕囉…..但呢 d 優點其實响好多餐廳都可以搵到….
唔知有冇邊個地方, 有好食既炒滑蛋, 又可以慢慢好 relax 咁食架呢? ![]()
============================================
感謝 軍曹基地 提供以上資料
軍曹基地的網誌: http://keroxtama.blogspot.hk/
============================================
北海道牧場餐廳 Hokkaido Dairy Farm Restaurant (銅鑼灣店)
Italian Tomato Café (馬鞍山店)
嘉美軒精細潮州菜
彩晶軒 V Cuisine (荃灣分店)
Fish & Chick (西環店)
欣圖軒 Yan Toh Heen
恆河咖喱屋 Hin Ho Curry Restaurant
大戶屋 Ootoya (太古店)