早兩日响 D21 係咁食食食, 於是今日同隊長黎 “draw 怨冬” (國語發音) 先~
做運動之前梗係要醫下肚啦!! (又係藉口…), 我地今天來到大角咀匯豐對面既神廚館食個晏先~
呢度真係幾 “up dup” 架, 相信係開左好耐喇!! 但係又好多後生仔黎食, 因為 d 野都幾抵食, 又幾好味~
就咁睇以為店舖細細, 但其實除左呢個舖位外, 轉個彎都仲有個舖位, 果邊仲 up dup d, 哈哈~
神廚館有 “神廚 5 寶”, 除左呢 5 寶, 仲有咖喱餐~
二等兵好鍾意食呢度既美極牛扒, 而隊長就好鍾意呢度 d 墨魚餅, 於是我地叫左 5 寶裡面既其中兩寶, 就係 (1) & (4) ~
個餐包野飲或湯, 隊長叫了呢度既招牌之一: 紫菜濃魚湯~ 因為呢度標榜用鮮魚炮製~
隊長激讚!!! 有紫菜味又有魚味 (二等兵按: 紫菜魚湯無紫菜味又無魚味就奇咯!!) 但二等兵始終鍾意在家飲湯, 所以叫左杯凍檸茶 ~
二等兵叫左 (4) 美極香煎薄牛扒飯 ($32), 勁鍾意佢面上面有好多蒜蓉同蔥花, 好香, 而牛扒又夠稔, 都有 3 小片架~
隊長叫了呢度既皇牌: (1) 招牌煎蛋海苔窩燒墨魚餅飯 ($33)
我地觀察到個個都係叫呢個!! 蛋可以選擇太陽蛋或炒蛋~ 墨魚餅勁彈牙, 又有墨魚粒, 唔似出面食果 d 得舊粉, 煎到香脆熱辣, 正丫!!! 下面仲有菜墊底, good!!
哈哈, 又證實左隔離飯香喇~ 二等兵食左成半塊墨魚餅先停口交俾隊長!!! 呵呵呵~
Total: $33 + $32 + $2(凍飲) = $67
============================================
感謝 軍曹基地 提供以上資料
軍曹基地的網誌: http://keroxtama.blogspot.hk/
============================================
