隊長同二等兵因為有事要到深水埗, 所以今晚的晚餐選擇了好耐都未食過既譚仔米線。
二等兵一向是譚仔既支持者, 點知今次重臨舊地, 個味道竟然同以前差咁遠……..
先講門口條人龍, 以前過左 7:00pm 黎到實等餐懞, 但係今日 7:15pm 先到步, 門口竟然唔見左堆人, 只係用左 5 mins 就可以入座…..
坐低睇下食乜先~~ 其實都唔知睇乜, 因為次次黎到都係食果0個 3 樣野架啦~ 哈哈~
不過加左價囉, 都正常既~
二等兵例牌: 竹笙雞肉米線清湯底 $24 (加左 $2)
下…….以前係一碗滿…..而家加左價仲少過以前, 得 8 分滿…..同以前差好遠……d 餸都少左好多, 雞肉得三四片, 竹笙仲過份, 得兩片………
味道好鹹, 仲好重味精…..
隊長亦係照舊: 腩肉炸醬米線清湯底 $23
又係細碗左好多,…..只係芽菜係比例上多 d d…
炸醬維持到水準, 幾好味~
土匪雞翼 $15/3隻
以前 d 雞翼標磅即整, 要等 15mins, 而家唔使 5 mins 就拎埋黎….
你地睇, 隊長又 KO 左碗米線喇~~~
Total: $62 (整體一餐貴左 $6), 但係以前二等兵會夠飽, 而家連二等兵咁細食都唔夠飽……….
其實二等兵好鐘意食譚仔架, 但而家既水準, 份量同以前差咁遠, 大味精之餘, 加左價後仲細碗左咁多, 變相加左 double 價錢…..唔怪得今次黎到門口會唔見左條人龍啦!! 睇怕我地一年內半載都未必會再黎侵略…..
————————————-
俾兩張舊年黎食既相大家睇下……
———————————————
食完一個好咸既譚仔之後好口渴, 於是隊長同二等兵黎到新天地買野飲~
太耐未黎過深水埗喇, 多左 d 新開既舖頭都未試過, 貪心既隊長話要試新野~
呢間有 d 似旺角果間輕鬆飲, 又係有得吸印仔架~~
買一杯就吸一個印仔, 吸滿 10 個印仔就送一杯$16 以下既飲品一杯~
價錢就平過輕鬆飲 d d~
我地揀左少甜少冰既胚芽奶茶 $12
都幾好味~~ 但係輕鬆飲就好味 dd~
————————————-
買完野飲, 我同隊長就去左整我地要整既野, 但係辦完要辦既事之後仍然勁口渴….. 於是黎到椰汁大王買今晚既第二杯野飲………
咦, 條人龍又唔見左? 究竟係熱潮減退, 定係冇咁好飲?
但二等兵仍然覺得好好味!!! $18
============================================
感謝 軍曹基地 提供以上資料
軍曹基地的網誌: http://keroxtama.blogspot.hk/
============================================
