放工先黎落雨, 仲要落到樓下先知原來落緊雨, 見到一滴半滴, 公司有遮都懶得返上去攞, 點知去到銅鑼灣越落越大, 所以二等兵同隊長費事行, 近近地去沙嗲王~~~
其實沙嗲王都唔錯丫, 食物都 ok, 價錢又經濟~
我地坐低都未點菜, 侍應就放下一碟免費既螺肉!!
睇左個 menu 咁耐, 樣樣野都想食, 揀咩好呢??
卒之揀左呢 d~~
晚餐 set - 白咖喱奇脆雞飯 + 小食-釀田螺 + 芒果檸檬梳打
($49 + 飲品補回差價 $3)
望落都唔錯~
不過二等兵覺得 d 雞乾左 d, 但隊長話好味
白咖喱唔辣, 幾好味, 連食唔到辣既二等兵都接受到!!
呢個釀田螺好好味!! 但 d 肉 [痴] 住個殼, 比較難整出黎~~
沙嗲肥牛粉絲 set - 跟小食 - 揀左豬肉粉卷 + 百香果玉露
($49 + 補回飲品差價 $2)
沙嗲唔算太辣, 幾好味, 但隊長唔鐘意 d 粉絲浸到成 pat 野咁, 不過二等兵覺得冇問題, hehe~~
豬肉粉卷好好味!!
為左唔想令大食既隊長冇飽飯食, 我地叫左兩個 set 之餘, 仲叫多一客 XO 醬炒蘿蔔糕 $42
隊長既至愛!!!
飲品兩杯: 芒果檸檬梳打 (勁好飲) + 百香果玉露 (唔錯!!)
侵略完一輪, 隊長清場既實況………………
哈哈, 原來 set 係仲有甜品架, 都唔記得左 tim ><
我地問侍應哥哥甜品係咩黎架, 侍應哥哥話: “um…其實佢係一條金魚既”物體” !!”
金魚既物體?!
原來呢兩條金魚既物體係椰汁榚既野, 裡面有綠荳蓉, 另外再加上椰汁~
椰汁味好好, 唔會太甜又有椰香味, 至於金魚都幾好, 不過尾部份略嫌 d 皮太厚, 但係中間有綠荳蓉既地方幾好味~~
Total: $159.5 (飽到唔郁得)
我相信唔係隊長既食量應該只需 $100 多 d ~~ 哈哈哈!!!
============================================
感謝 軍曹基地 提供以上資料
軍曹基地的網誌: http://keroxtama.blogspot.hk/
============================================
沙嗲王 (銅鑼灣店)
Italian Tomato Café (馬鞍山店)
嘉美軒精細潮州菜
彩晶軒 V Cuisine (荃灣分店)
Fish & Chick (西環店)
欣圖軒 Yan Toh Heen
恆河咖喱屋 Hin Ho Curry Restaurant
大戶屋 Ootoya (太古店)