今日隊長俾左段報導二等兵睇, 好似有所暗示咁, 哈哈 …
不過二等兵睇完都覺得好好笑, 所以同大家分享下 ~
如果兩個都係球迷/非球迷咁就一天都光晒啦 !!!
如果唔係球迷既妳地 (女朋友), 遇到四年一度既世界盃會你地男友唔會勁冷落你地呢 ?
而作為球迷既你地 (男朋友), 你地既女朋友响世界盃期間又有無怨言呢 ??
【明報專訊】四年一度嘅世界盃下月殺到，男士們好多未開波先興奮啦，好似近排 Emily 撞到唔少人，傾吓傾吓唔知點解都會傾到世界盃。不過對女士們嚟講，如果唔係球迷，呢個月都幾難捱，有朋友就傳嚟一張近日在網上流傳嘅「女士們世盃期間注意事項」清單，雖然據講係4年前嘅「舊文」，但仍然充滿「啟迪」同「洞察力」，經過 Emily 呢個半球迷兼意大利躉綜合整理，同大家分享吓。
女士們世盃期間注意事項 :
1.今年世界盃在南非舉行。
2.比賽時間在晚間至凌晨舉行。
3.今年英格蘭並沒有碧咸。
4. 今年最有機會奪冠的分別有巴西、西班牙、阿根廷，和你男友支持的隊伍。
5. 請不要在賽事中途說「都唔知點解，十幾個人追住個波走嚟走去」，你男朋友一聽絕對會發火。
6. 往後一個月，你男朋友只會記得今晚及明晚賽事的時間和對賽隊伍。請不要在此期間考他記性，例如，問男朋友記不記得6月某一天是什麼日子。就算那天是你們的拍拖紀念日，也請不要問，因為如果他答你「10點鐘，巴西對荷蘭！」多麼傷感情！
7. 你最想見到男朋友的時間，通常就是開波的時間。雖然是委屈了你，但四年一度，請你原諒。
8. 續上題，你最想和男朋友通電話的時間，通常亦就是開波的時間。
9. 如果，你男朋友興高采烈和你說一大堆外籍人名、戰術分析和專業術語，再加上事後孔明和馬後炮，四年一度，聽他說說吧。不明白也不用問，因為他也不知道自己在說什麼。你只要聽完給他一個「你好叻喔」的表情，世界盃後你就會有美妙回饋。
10.如果你男朋友支持的球隊出局，也不用太擔心他。每隔四年他支持的球隊都會出局，他習慣了。
11. 如果你男朋友支持的隊伍和你支持的隊伍有分別的話，暗地裏還是盼望他的隊伍贏比較好。因為你可能只是在默默支持，他可是會用現金實際地支持的。
12. 男朋友問你喜歡哪隊時，千萬不要答曼聯、皇馬——因為他們不是國家隊。
13. 千萬不要在球賽舉行時問男朋友越位是什麼意思，請自行Google。
14. 如果你男朋友喜歡看漂亮直線傳球，除了有名的西班牙球員沙維外，你還可以推介英格蘭的謝拉特。
============================================
感謝 軍曹基地 提供以上資料
軍曹基地的網誌: http://keroxtama.blogspot.hk/
============================================
