小豬媽生日

14 JUNE 2014(SAT)

六月可以話係一個幾重要嘅月份，因為我人生其中兩個至愛都係依個月生日，今日就係小豬媽嘅生日呀~

今日小豬媽生日依個重要日子，原本我地都PLAN左入西貢行吓食吓咁慶祝，不過因為小豬媽今個星期初剛剛先做完療程，怕佢身體未完全精神返晒，所以最後都係去酒樓食。

其實去邊度食又有乜所謂，最重要就係一家人齊齊整整、開開心心咁食晚飯嘛！不過今晚我地依個晚餐真係非常豐富，樣樣餸都真係好好味，好少去酒樓食晚飯係食到個個脹卜卜咁走呀！

係未講我地晚餐食乜前，生日又點可以少得個靚靚生日蛋糕。今次依個蛋糕我係第一次係東海堂訂，個蛋糕好靚之餘仲好好味，下次再訂蛋糕時，東海堂一定係第一選擇呀~

有個靚靚蛋糕，又點少得個百厭小小豬呢？個傻豬一見到個蛋糕都不知幾興奮，當正自己係主角添。有個乖孫陪，睇吓企係佢身邊嘅小豬媽同小豬爸幾咁開心~

哈哈哈...開開心心唱完生日歌，食完好味蛋糕之後，我地就開始食晚餐啦！

今日個晚餐真係何其豐富，樣樣餸都好好味呀~

雖然今年小豬媽生日看似過得簡單左啲，不過我成日都講....只要一家人齊齊整整咁食得開開心心，就已經變得不平淡啦！

MY FACEBOOK~


MY WEIBO~

MY E-MAIL~

 

其他博客區
※※ SINA ※※

※※ MyBB星級Blogger ※※
※※ BlogSpot ※※

※※ WeShare ※※

※※ She.com ※※

※※ theZtyle ※※

※※ SeeWide ※※

 

※※ BK Milk 親子語 ※※

※※ Cook 1 Cook 星級廚師 ※※