0

如何浸發花膠

MrsLan靚太 於 2011-09-27 22:12:55 發表  |  累積瀏覽 2928

分類:其他

今日同大家分享點樣發d花膠, 不過今日影比大家睇的花膠唔算好貴個種, 約$3-4百元, 已經有1斤(約30-35條), 煮餸的話多數都係用花膠公的, 因花膠公比較爽口, 彈牙, 多用作炆, 扣之用,  而花膠乸食起嚟會有種膠口感覺, 多用作煲湯用。

我通常都會一次過發半袋花膠, 發好後用保鮮袋分好分量, 然後放冰格, 可保存1-2個月, 當要煮嚟食時, 只要取出解凍, 即可用嚟煲湯/煮餸用比較方便。

 


(上圖為未發前, 原本size)  其實這款都有分公/乸的 ,  拿上手看, 花膠公中間會比較厚及邊位比較薄, 而乸則厚度平均, 不過通常咁細條的都唔會去分的, 買嚟煲湯都唔錯呢。至於價錢方面則公比較貴。



(上面這幅係筒型花膠, 而且已經發咗一晚的, 係咪大咗及厚咗好多呢?)



(而上面呢幅係扎膠公, 都係已經發咗一晚的, 公係會卷起的, 都大及厚了不少呢?)

你哋可能問我, 點解無得睇未發個樣的, 其實我都係發好之後, 先見到我買個袋花膠送咗數隻扎公比我呢(扎公係貴d的), 其實它未發個樣唔會係成Y字樣的, 而係扁身d的)

 



 

做法:

1) 先將花膠用水浸1日後, 隔去水份, 備用

2) 煲一煲滾水, 放入數片薑及數條蔥段, 滾起後放入花膠

3) 放入花膠後, 再等到水再次滾起時, 倒入約2-3湯匙米酒, 滾多約5分鐘, 即可蓋上蓋(要密封的)及關火, 直至浸一晚 (關火後記得唔好再開蓋睇佢喇, 由得佢焗一晚)

4) 第二朝早, 將煲內的水倒去及用水喉水清洗一次花膠, 剪成一件件(可大件D), 完成後即可放入保觧袋(可分多袋, 按個人每餐食多少而分每袋份量),  封好後放冰格保存, 用時拿出1袋, 好方便。

 

 

提提你:


1) 個煲一定唔可以有油 or 曾用來煮完嘢食, 一定要清洗乾淨才可用, 否則會令花膠變壞。

2) 米酒可選擇唔落的, 不過我覺得落咗比較香。

3) 發好的花膠, 最多方冰格1-2個月。

4) 我通常做法只浸一日一夜, 而我多數係早上先用水浸花膠, 到晚上就會用薑, 蔥水煲, 咁就比較慳時間。

 

鐘意SeeWide的分享,給我們一個Like吧!
  • 攻略日期:N/A
    攻略地點:N/A
  • 攻略時間:N/A
    是次消費:N/A
0人比"掂"

最多能輸入300字

累積瀏覽 716099

全部攻略 1754

全部回應 192