產後大反擊之整牙篇(聖雅各福群會的診所)

自從生完龍哈仔之後，
有幾樣野我系想做的，瘦身，整牙和理髮，
首先在瘦身方面，生完龍哈仔已經1個多月了，仲有十幾磅系未瘦返，
但因為我要餵人奶，而且產後瘦身時期可以長達半年，
所以我都唔急著瘦身，就由得D肥肉橫飛先！
而理髮方面，因為之前懷孕時，為了方便打理和坐月，
所以一口氣將D頭髮剪到好短，
我都十幾年無剪到咁短啦，所以要等D頭髮留返長，先至可以扮靚靚，
所以我第一樣去做的就是整牙，
其實有了龍哈仔之後，
D牙認真變得好差，唔怪得俗語說「生一個孩子，掉一顆牙」，
D牙肉不單只變得腫，又經常流牙血，一度擔心自已患了牙週病，
其實有了之後就想去整，
不過費時發生咩事的時候，給人有個藉口話，
所以一直忍，真至坐完月，第一時間就是去檢查下牙齒！
老實講，真系有很多年無睇牙啦！
一來唔鐘意整牙的聲和在印象中整牙和洗牙都幾痛，
二來找搵唔到一間價錢合理而又服務好的私家牙科！
但無奈的是D牙齒真系等唔切了，
於是就上網找資料，
但整牙的推介和分享實在太少啦！
最後我幾經辛苦先找到位於灣仔聖雅各福群會的診所，
它位於香港灣仔石水渠街85號聖雅各福群會總會8樓北翼
其實地址好易搵，只要大家識灣仔的藍屋，就識得去，
見到下面的紅色建築物就是診所所在的大樓！


上到去8樓，就可以見到診所，
診所的裝修都幾好，環境幾舒服，
可以比得上其它大型的私家牙科診所。



聖雅各福群會的診所裡面總共有3位醫生(2女1男)
因為我第一次睇，亦唔知邊個醫生好，
所以我無指定睇邊個醫生，
而我今次睇的是男醫生，
開頭以為應該無咩人睇，
點知裡面坐滿人，有男女老少，
始乎都幾收歡迎，頓時信心大增
大約等左一陣就到我，
入到去醫生就問我覺得有咩唔舒服，
我就將我的情況一五一十話給他知，
之後他就講返我知，牙肉腫和流牙血是因為懷孕的賀爾蒙分泌影響，
呢D唔係牙週病，而係「妊娠期牙齦炎」，
通常在生後一個月會隨賀爾蒙減退，
又同我講若果要整牙就最好在孕期的三至六個月或者坐完月去整，
之後就同我檢查牙齒，發現我有2隻蛀牙和很多牙石，
所以就決定幫我大洗牙先，
之後等D牙肉唔腫，再返去檢查，
最後單是洗牙都洗了二十分鐘，
最後我覺得呢個牙醫幾好，真心值得推薦，
第一，講解好詳細，會解釋返你牙齒的情況，
等二，好有耐性，唔會為了趕時間而隨便洗完牙就算(我最擔心就是洗完牙等於無洗)，
而且會停一停，給你漱口
第三，幾風趣，在洗牙時會不停分享他湊仔經，令你唔會咁緊張，
雖然價錢相比其它診所，唔系平好多，平少少到，
但明碼實價
(有價錢表，將每項檢查的費用列出來，大家起碼有個預算)
今次洗牙就用了$300，
之後我仲要去檢查！
大家如果有興趣，可以到下面網址睇下
http://hs.sjs.org.hk/new_web/tooth.php
提提大家，要預約的