久休復出

唔知點解呢排冇乜意欲寫blog

如果要寫真係有成幾十篇要寫

不過........我貢懶, 好難會番頭寫晒啦

係有限度既記憶下, 姑且list吓之前某d活動, 可以的話就抄人家條 link 落來 as reference 啦

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

 08.12.27　與亞仔郊遊@長洲

本身想去360嫁, 可惜我們ready出發樹已經成4pm.......太晏lu ~~

唯有下次下次..........大概可以啦~

雖然夜晚餐海鮮餐好普通, 不過果日我玩得好開心啊!!!

 08.12.28 一家慶烚烚 @ Diana's home

好多謝亞靚幫我搽既藍黑色 Chanel 指甲油啊...........雖然老媽同亞仔都問我係唔係中毒, 但係我覺得好型呢 ~~~

多謝我們這一家各成員送既手信 / 禮物啊 ~

更多所見所聞 : hot pot @ diana's manicure ; 一家團聚 ; 闔家烚呀烚

 08.12.30 一連4場 gatheringssss

呢日好忙好趕但又好開心, 約見o左四批唔同既朋友見面, 計有 (i) 中環同學仔茶聚@ 陸羽 、(ii) 補祝天蠍GG慶生 high tea @ agnes b 、 (iii) 鴨記皇牌腳架購買記 (唔該晒小桃子 & her 同樹)、(iv) 大學同學B哥慶生飯 @ apm 家傳戶曉

有關網誌: Tea with GG @ Agnes b (附加相)

 08.12.31 二人hotpot慶除夕

係原本可以提早放工的日子, end up 都要做到 7pm 先閃.......結果係陰陰寒既天氣之下, 決定去超市買野打邊邊慶除夕, 乾手淨腳又好味, yeah!!!!!

兩條友又食到爆肚啦, 噢!

 09.01.03 工展會

好多謝唔大想去工展會既亞仔end up 都倍我去行..........其實d野又唔太特別平呀, 點解d人可以掃貢多貨既?!

行完去食 Freshness Burger, yummy!!  總覺得佢好味過 Mos 仔呢 ~~~

 09.01.07 首個生日飯 @ Al Dente

2月大晒既我居然係一月頭就有慶生飯食啊............多謝晒做野永遠快人一步既大少奶

笑爆胃既詳情: Wakaaa@Al Dente

 09.01.08 一家人食爆肚@謙記

多謝菇-be由馬交贖我返來 (wakakakaka), 之後"我們這一家"就開開心心打邊邊慶祝啦~

更多資料: 爆肚@謙記; 行動代號......... ; "餓底"任務@謙記

 09.01.10 沒有主角的派對

原先為亞靚慶生既派對因為主角唔C服而成為近新(年)派對............今次我好叻啊, 跟 Rachel Yau Party Food 本書整兩款食物 (不過個pineapple pie就.............衰-ed), 我要繼續努力啊~

 

開心記錄: 玩埋一堆@私竇 ; 無乜幾可@私竇 ; 2009 Party @ 私竇

 09.01.11 百萬行

又一必須出席既政治活動..........

 

不過可以捐款幫助有需要既人都係好樹來既, 在此多謝大少奶同亞茄既善款

去年行完開步禮, 老闆請我們去鴻星嘆茶, 見到好多明星呀, 陳豪仲同我們打招呼 (可惜當時冇影相)

今年.............縮晒皮啦, 同CEO影完相就各自閃lu ~

 09.01.16 裙甩褲甩 @ Zambra

好喜歡同你們傾女人經, 衰佬經啊...........可惜我之後要探今期至愛既Ali mei, 所以要早閃啊~

按此: 忽然有約星期五

 09.01.19 再訪 Amigo 

我大佬真係好豪爽啊!!!! 團年lunch請我們去Amigo食呀 ~~

Well, 雖然我唔覺得好好好味, 但比上一次去食好似好d d 貢啦 (上次詳情, 請按 : 崔建邦的免費午餐)~

呵呵呵, 兩次去食都唔屎自己俾$$呢, yeah!!!!

 09.01.22 好蠢好天真同好傻 @ Nail Nail

唉..............Calgel, 你好野!  Nail Nail, 你更加好野

今年新年既利是錢真係一鋪清啦, 嗚嗚嗚 ~

 09.01.23 希臘女神日

我事運高咩都睇唔到....................

 09.01.25 - 28 年又過年

新年最開心除o左逗利是之外, 其他時間同節目都比較.................

好想出年可以農曆年間去旅行啊..........不過老媽同亞仔都唔多like, sigh~~~~

 09.01.30 三八 @ 花滿樓

終於有時間請佢o地兩位三八食舊年11月同12月既慶生飯啦 ~

同呢兩位三八傾計的確好爽呀 ~ 

轉眼間, 原來我o地都識o左八年lu ~~~~

不過........今次再去花滿樓, 好似失色o左d貢~

 09.02.02 團年啊!!!!

失驚冇神唔屎返學, 仲唔拿拿聲 call "我們這一家" 見見面, 拜過年 ~

可惜見唔到陳太同菇-be呀..........好掛住你們啊 ~

開心時刻 : 團聚~ ; 初八團年

yo.............blog 債都清得 88-99 啦, hohohohohoho ~

  

============================================

感謝 ggmamafamily 提供以上資料

ggmamafamily的網誌: http://gg-mamafamily.blogspot.hk/

============================================