$123 新界一日遊 (附相)

琴日我同亞仔跟家姐姐 & 佢d同樹一齊參加o左發達行攪既新界一天團

因為我o地想去摘士多啤梨

但係原來成個行程巧緊密, 你睇 :

(1) 8:45am 集合, 9am 九龍塘出發去屯門公園既爬蟲館 (1 hr), 屯門公園........咪係我上次外攝實習既地方, 今次又來我又有機會外攝實習啦, 哈哈!  起初怕亞仔悶, 不過佢話平時都唔會行公園, e家一齊行吓都唔錯喎

   

(2) 元朗恆香餅家買老婆餅 (20mins), well......我同亞仔都冇買呀, 不過家姐姐點都買o左半打呀 ~

(3) 韓式燒烤火鍋自助餐 (1.5 hrs), 間餐廳標價$48/位, 任食又任飲, 可以想像到個餐應該普普通通, 不過以團餐來講, 食得飽唔太差都可以接受啦 ~

(4) 參觀粉嶺牛牛樂園 (45mins), 亞仔餵牛牛餵得好開心呀!

(5) 摘士多啤梨 (45mins), 呢個行程的確好開心, 雖然已經係水尾, 但一俾我摘到d又大又好既士多啤梨的確好滿足啊 ~

     

(6) 參觀香薰園 (40mins), 去到見到一小塊疑似薰衣草草園, 又係一個可以俾我影影影既地方啊!  同埋呢個香薰園都幾大, 有一邊係BBQ場, 一邊又有D野小市集既買同玩, 個地方都唔錯呀 ~

 

(7) 行程完畢, 旅遊巴送返去九龍塘 @ 5:30pm

起初我仲以為成日都可以stay係個農場到摘士多啤梨tim, 而且以上有d行程又好似好無聊咁..............

不過, 後來自己又諗$123玩成日兼包車費, 飯錢, 導遊 tips同保險都算好ok啦, 好多時weekend自己可能出去食餐飯都唔止$123啦, 而且好多地方自己平時去都唔會去, e家咪俾自己周圍行吓睇吓囉......之後又再諗, 間唔樹同成班朋友一齊join呢d一天團都應該幾開心幾好玩啊

p.s. 我會再開多篇網誌post相呀, 記住睇啊~

============================================

感謝 ggmamafamily 提供以上資料

ggmamafamily的網誌: http://gg-mamafamily.blogspot.hk/

============================================