第三次產檢 X 感動 (@5w3d)

2010.3.15 (星期一)

因為之前既流啡, 所以醫生都要求我一星期後再去見佢, 本來3.20先第一次去見芝士餅, 估唔到e家貢快又第二次見到佢啦

由於我仲見自己好似歇性流啡........我專登影低自己條底底俾倪醫生睇 (好變態喔!)......因為我唔sure果d究竟係流啡定係分泌物 (d 書話懷孕婦女特別多分泌ma)......個心15-16, 唔問唔舒服呀 ~

倪醫生幫我陰照時就話見不到有出血既情況, 不過佢睇完d相都建議我再塞多一個禮拜安胎藥同埋拎d分泌物去check下有冇菌.........而且佢又再俾我一星期假我休息 (不過我唔想太妲妃, end up 只放多兩天假就開工........事後覺得自己好)

今次見芝士餅係5w3d, 佢俾上次大粒o左呀, 倪醫生話大o左3倍, e家只係計佢有0.25cm (上次成個胎囊就0.43cm)

今次最感動係第一次聽到芝士餅既心跳啊, 好震撼既感覺呢, 由於99同老媽都有陪我一齊去見倪醫生, 大家聽完都好興奮!!!!

由於今次聽到心跳, 倪醫生就正式簽醫生紙俾我啦.........有了呢張醫生紙, 我就可以去埋政府醫院登記同埋遲d交俾公司寫產假啦 ~

============================================

感謝 ggmamafamily 提供以上資料

ggmamafamily的網誌: http://gg-mamafamily.blogspot.hk/

============================================