心血來潮的澳門充實之旅~~第一天

心血來潮,好想去澳門行下...

即刻去搵酒店,訂船飛..

就係咁,係兩三日計劃下出發

星期六,下午一點收工,由灣仔飛的過上環上船

買埋午餐上船食啦

係度好想講下..我係一個好易暈車浪,暈船浪既人,

所以去澳門我必定係要搭噴射飛航既

而平時啲乜野套票都係包金光,所以我唔會買套票啦

如果你都怕暈船浪,我推介你,搭噴射飛航,必定無事

落左船先去酒店check in ,今次住依間係萊斯酒店,只係三星,

但價錢又唔係平,要18XX, 不過上網睇過平價幾好

係碼頭,佢係同其他酒店一齊用一架小旅巴,會比較難搵既

好快就到酒店..大堂唔大,但好grand...歐陸式大堂,有條長樓梯,影結婚相一流

check in後上房間,房都好靚呀,如果你中意歐陸式,一定超like

佢仲有個小露台,海景靚爆..

又有個勁grand浴缸,真係以為自己做左公主呢..

依間酒店無泳池呀,Spa個啲既..想享受依啲就要去高星級啲啦..

但我地唔要既..間房靚就掂啦..kaka..

放底行李,出發去玩玩玩喇

因為有小朋友,所以我地既行程都係for小朋友既

第一站係二龍喉公園,目的係帶悠悠去睇bear bear 熊既..

去到我地先搭攬車上山,只係2蚊雞

落左攬車再上山行一陣就到東望洋燈塔

中途仲有休息既地方,有公園,兒童遊樂場

岩晒小朋友

影完相之後,就慢慢行返落山..

落返山諗住睇黑熊...點知隻bearbear返左房大覺瞓..無得睇,

個傻豬即刻喊左出尼...陰公 >_<

因為行落山都幾攰,係因為有bear bear先支持到悠悠行咁耐呢..

好彩隔離有啲馬騮仔睇下囉

離開左公園,就係附近一間cafe休息一下..

依件士多啤梨忌廉蛋糕超好食,個忌廉好香好滑,海綿蛋糕又鬆軟,真係一讚呢..

休息完,就過去大三巴..去到都已經天黑,

經過見到有個土耳其人係到賣土耳其雪糕,佢好攪笑既,係咁逗人笑,

逗人玩,我就帶悠悠去買,佢見到悠悠就捉住佢隻手鍚左一啖..悠即咸..好好笑...

佢賣依個雪糕口感好特別,又唔甜,煙煙韌韌既..我幾中意.. 不過要20蚊個..

終於到大三巴,其實大三巴真係影過好多相..

但今次係想帶悠悠去影..所以又去一轉啦..

不過佢而家夜晚好似唔開燈呢..影出尼唔靚囉..

影完相個天都黑晒了,之前諗定去買野既小店子都關門了..

好彩仲買到椰子雪糕...椰子雪糕都幾好味..其實我覺得應該叫椰子雪芭呢..

路過好有名既祥記..次次去都食既,今次本來無諗住食,但見又無乜人喎...

咁又去食下先..我中意佢個金沙炸鯪魚球..真係又脆口又彈牙既

而悠悠就好中意個魚皮..食個不停..

食飽飽之後就去返議事亭前地影下相..

依度夜晚都幾靚既,雖然去過好多次..

今次去幫悠悠影下相留念啦

之後就過去漁人碼頭

因為酒店係漁人碼頭附近

咁又順便去影相

行咗一陣就返去酒店...

悠悠要係露台嘆返包奶妒就瞓覺去了

今日真係去左好多地方...行足一day,好攰呀...

快快去個靚浴缸泡過公主浴..哈哈