薯仔,台灣叫馬鈴薯,國內人叫土豆
係大陸,佢地好興將薯仔切片炒尼食
今日我又試下先,再加埋豬腩肉,
等個餸更香更惹味
先將薯仔去皮切片
我會用水浸住,等佢唔好變黑
豬腩肉我買左冰鮮既
解咗凍就OK
切定蒜頭碎,乾蔥碎,薑蓉,蔥花
中意辣可以加小小辣椒會更好味
首先燒紅白鑊,放入豬腩肉
佢自己會出油..煎至金黃香脆,備用
同一鑊油,加入薑蓉,乾蔥,蒜頭爆香
倒入薯片,拌炒,慢慢灑小小水,炒至乾身再加水
直至炒到自己中意既軟硬度
再加入豬腩肉,放啲鹽同黑椒調味,灑上蔥花就完成啦
有依味餸,我就唔洗食飯了
又夠香口惹味
我中意小小硬身,老公中意軟軟地
咁就有厚有薄,滿足到大家口味啦..