2

台中南投清境遊~~台中編

小甫貓 於 2013-11-22 12:01:04 發表  |  累積瀏覽 578

分類:長線旅遊 特色街道 ;地區:台灣

攻略日期:2012-11-11

等到喇等到喇..出發去旅行喇....

今次第一次帶悠悠同媽咪去旅行,佢地兩個都係第一次搭飛機,

所以就近近地揀左台灣..

其實同屋企人商量去邊時,都好鬼煩,

家姐去過馬來西亞同韓國,話唔再去,

細妹去過泰國,又話唔再去,我地去過上海,都唔想再去..

北京大家都想去,但怕太凍...

新加坡都想去,但又怕太貴...

最後都係...台灣....仲要係我同老公,細妹都去過既台中清境...

 

 

一早五點幾起身,個天仲黑麻麻..就趕住去搭巴士..

搭巴士遇到個小插曲..

話說我地上個架巴士,係會經埋我媽樓下既..

於是我地上左車就打比佢地,叫佢地落得樓..

跟住架車行下行下..突然轉上左將軍澳隧道...

我即刻走去問司機,點解會無經我媽個邊呢?

司機答我,你要去個邊咩?我話係有人係個度等緊車..

跟住個司機竟然唔睬我...扮專業心揸車....咁都得????

但為左費是影响佢揸車心情,唔鬧佢住...

寫底車牌...慢慢同你計...之後打電話比佢地,

叫佢地搭的士啦...真係..咁都得...

 

 

到左機場,今次搭去台中,係細機,第一次要座巴士出去架飛機到,行樓梯上機..

落機時真係好有溫總feel...差啲想揮手添..哈哈哈


到左台中,包車司機已經等緊我地,送我地去酒店..

平時我同老公都會中意去搭公車,感受下當地文化既,

但今次帶住老人家同小朋友,所以唯有包車,

不過真係幾貴下,大約5500元台幣一天,

到左酒店未check-in得住,放底行李就出去行下..

 

一出酒店門口就見到依檔野,

佢地應該叫關東煮既

 


一座包山....但..感覺有少少 Dirty...

 


跟住見到成街都係機車.....

 

 

再見到架火車..但唔知係唔係台鐵呢?


今日星期日,行到近台中車站時,見到好多泰國人,菲藉人仕,

但佢地都係打扮到金毛呀,紋晒身咁..

攪到個到好品流覆雜咁..我地快步閃人...

轉左一圈,返返酒店附近一間Cafe食,幾唔錯...

 

我中意依個all day breakfast

 


其他食物質素都好得...感受到佢地係用心制作





之後上酒店,今次住既係新驛酒店,台中分店,

佢每層個主題都唔同,我地層層走去影張相先..

酒店新開無耐,樣樣都好新淨,房雖然細,但真係五贓區全,都幾唔錯啦..







屋企人既係三人房


我地一家三口既二人大床房



休息左一陣,去左台中好有名既眼科醫院

唔係去睇醫生呀....

你地睇下相...係咁架....







入面其實係賣啲旅遊手信既野既....

不過我地無收鑊



跟住就搭的士去睇定左既一間抹茶專門店...

點知佢話要book位既,唔係就要等約一個鐘..

我地諗住之後去夜市喎,無乜時間等..唯有閃人

希望有機會再試..

不過佢地點比較不便,所以應該唔會再尼了..







跟住再搭的士去逢甲夜市,分左兩部的士,點知大家係唔同地方落車,


仲見到有Show girl 係車上跳舞....架車係行駛中架...



樣樣都好想食...



後來用電話聯絡左好幾次先會合返..媽咪同家姐都話好迫人,唔多想行..

入到一到見到有位座既,又有唔同既食物,咁就係到開餐啦...






食飽飽就返酒店休息去...

鐘意SeeWide的分享,給我們一個Like吧!
  • 攻略日期:2012-11-11
    攻略地點:台灣
  • 攻略時間:1日以上
    是次消費:N/A
2人比"掂"
  • 小龍 於2014-02-09 11:19:21 留言
    我都諗住4月去台中,自己包車真係好貴呀....
  • 舉報 回覆
  • No.1
  • 小甫貓 於2014-02-10 10:26:19 留言
    原文由 小龍 於 2014-02-09 11:19:21 發表
    我都諗住4月去台中,自己包車真係好貴呀....
    如果你同女朋友去兩個人,就唔洗包車啦,只係上清境要搵車,可以問民宿架
  • 舉報 回覆
  • No.2
  • 小甫貓 於2014-02-10 10:28:44 留言
    原文由 小甫貓 於 2014-02-10 10:26:19 發表
    如果你同女朋友去兩個人,就唔洗包車啦,只係上清境要搵車,可以問民宿架
    呀..提下你..4月去既話,一定要上合歡山睇雪呀,上到清境會比較凍,再上合歡山會更更更凍,民宿可以借你褸既,或者自己帶定,同埋4月係雨季,台灣十有九都會落雨,帶定雨具呀
  • 舉報 回覆
  • No.3
  • 小龍 於2014-02-10 12:37:25 留言
    原文由 小甫貓 於 2014-02-10 10:28:44 發表
    呀..提下你..4月去既話,一定要上合歡山睇雪呀,上到清境會比較凍,再上合歡山會更更更凍,民宿可以借你褸既,或者自己帶定,同埋4月係雨季,台灣十有九都會落雨,帶定雨具呀
    謝謝指教

    4月春天合歡山都仲有雪睇?

    我都諗緊雨季日日落雨,會唔會好麻煩?好掃慶呢?
  • 舉報 回覆
  • No.4
  • 小甫貓 於2014-02-10 12:54:23 留言
    原文由 小龍 於 2014-02-10 12:37:25 發表
    謝謝指教

    4月春天合歡山都仲有雪睇?

    我都諗緊雨季日日落雨,會唔會好麻煩?好掃慶呢?
    有架,4月仲有雪架,你可以問定民宿,佢好樂意同你傾架
    好多人話台灣十有九去旅行都會遇著落雨,幸好我去過台灣三次,得一次有遇著雨,仲係夜晚
    不過雨季就有定心理準備好啲囉...
  • 舉報 回覆
  • No.5
  • 小龍 於2014-02-10 13:04:22 留言
    原文由 小甫貓 於 2014-02-10 12:54:23 發表
    有架,4月仲有雪架,你可以問定民宿,佢好樂意同你傾架
    好多人話台灣十有九去旅行都會遇著落雨,幸好我去過台灣三次,得一次有遇著雨,仲係夜晚
    不過雨季就有定心理準備好啲囉...
    去旅行,做足準備,等我著定對防水鞋,帶定雨衣 + 傘,應該萬無一失
  • 舉報 回覆
  • No.6

最多能輸入300字

累積瀏覽 225531

全部攻略 299

全部回應 1449