前陣子係花墟買左一盤蘿勒
最近天氣超好...又有陽光,又有雨水
蘿勒生長得超級快...好高好高喇
快啲諗個餸,剪咁啲先....
今次試既係台式三杯雞
三杯雞重點係三杯,依三杯分別有米酒,麻油同醬油
同埋要有濃濃既蘿勒味
做法其實好簡單
首先雞砌件,唔識切既可以買現成雞件
跟住用啲米酒,生抽,糖去醃一醃
跟住切定大量薑片,蒜頭,紅蔥頭碎
再開鑊爆香,加入雞件放平
然後蓋住焗約6-7分鐘,要留意雞件出水情況,唔好比佢乾晒呀
之後加入醬油,麻油,同砂糖炒勻,開始收汁時加埋米酒,
最後加入蘿勒,熄火拌炒一陣咁就完成
雞件入味,又有酒味,有蘿勒味,又甜甜地..超好食呀~~~~
