2014 東京遊 ~ Day 4

Day 4

經過琴晚的高燒後，今朝起黎，明顯精神好多，鼻水同咳都少左，可能琴晚泡完溫泉 + 食藥 = 高爆，發曬出黎，甘就好喇，

今朝一樣，和食早餐，

食完就要番房執行李，今朝冇得番訓喇，因為要趕車番東京，

早到車站，去 Lawson hea 一 hea，見到哈人大雪糕，HK 冇  e 個味，計番 HK$ around HK$20，都幾抵，一食，好新鮮牙，d 朱古力皮好脆，咬落去，shot shot 聲，新鮮到呢！

食完就出站頭等車，白色 e 個新o急夠硬實，可以比當坐，e 個衰仔，今次旅行，唔願行，成日叫抱，

出到東京，酒店寄低行李就出去，搵食，

酒店前街有好多食店，簡左 e 間麵食，

原來食撈麵，有得加筍，我緊係要超多筍，e 餐都唔錯，不過今個 trip we like "飯" 多 d，

食完就去台劇的 Toyota 展館，

一入場，周圍都係車， 爆 high 周圍走，

仲學人試車，

牙仔，你真係甘鍾意車？天生，

過另一展館，有得試車，好彩剛剛夠歲最低級的車，總叫有得玩，就係 e 款，

未夠鐘玩前，爭取時間又玩車，

到玩喇，首先要聽哥哥訓示一下點玩，其實係ba 聽，聽完帶住做，

因為未玩過電動車，所以前行方面有 d 因難，但轉彎就 no problem，話曬佢屋企都有私家車，

玩完的車，就到ba  的 高達，

5 年前我地兩個黎，5 年後今日，我地帶多個黎，但高達依然冇變，

最記得台劇的 "和幸"，上次就係睇完高達冇知知走入去，原來好好味，e 度添飯，添菜，添湯都 no problem，正牙！

日本的餐廳好梳爽，你唔叫兒童餐比個細路，佢都會比碗白飯你個細路，白飯，岩曬牙，其實碗飯已經計埋落你個 set 度，但佢甘比你，你會食得 happy d，

番到酒店房，已經爆，

e 間酒店第一次住，係上次京王的前一條街，佢係 5 尺大床，甘我地一家  3 個口就可以有自己的佔有空間，e 間酒店都唔錯，係個廁所抽氣慢 d，沖完涼個廁所要焗一陣，其實都沖完涼，閂埋門由得佢抽一陣就冇事，

好的呢，你睇仔 的 post 就知，聽日唔駛趕車，可以訓到自然醒，正牙！

~~ Day 4 ~~ 完 ~~