咖啡朱古力脆脆瑞士卷
我每次都希望整自己未整過0既, 就算整過同一口味,
都要加料, 都要佢有d唔同先開心, 哈, 所以每次我整
蛋糕或蛋卷又好, 或者其他都好, 隨時整唔到, 因為
我又係到變緊, 祇不過係小變定大變啫!
掃平蛋糊就入得爐喇!
查番d cream , 好味!
咖啡卷, 加d 脆脆粒, 真係會無咁單調, 所以可以0既話
我覺得加係好過唔加, 可能我比較貪吃啦!
而家對卷蛋卷有信心喇, 得心應手好多, 真係會功多藝熟架!
我記得幾年前, 整過幾卷, 都唔想再整, 覺得卷整都唔靚咁!
而家因為有咁多資訊, 上網都有好多教你點卷先卷得靚, 真
係太好喇!
材料：
A) 蛋黄 4隻 (中型蛋) 大約90g
糖 20g
菜油 30g
B) 鮮奶 30g (淡奶也可) 室溫
熱水 25g
咖啡粉 12g
(熱水先和咖啡粉混合至完全溶合, 再加入奶備用)
C) 蛋白 6隻 (中型蛋) 大約180g
砂糖 50g
鹽少許 ( 幾粒幼鹽)
白醋或檸檬汁幾滴
D) 低筋粉 83g
粟粉 5g
(D這部份要先混合過篩2次備用)
饀料 :
淡忌廉160g加砂糖10g打起 (如果懶就可以160g甜忌廉打起就得喇)
朱古力脆脆粒 適量
做法：
1. (C材料) 蛋白加鹽打至起泡，打至细白泡沫，
立刻分3次加入砂糖，打至提起有彎鉤， 備用。
2. (A材料) 蛋黄和砂糖坐暖水大約40度左右混合，
攪拌到變淡黃微微杰身，加入全部菜油拌勻，
再分次加入己混合的(奶+咖啡水)。係呢個時候
篩入低筋粉拌勻。
3. 把1/3蛋白加入到蛋黄中，拌匀。將蛋黃糊倒回
2/3蛋白糊拌勻。
4. 把咖啡麵糊倒入鋪了牛油纸的焗盆中，雙手揸住
焗盆拷幾下, 下層再放多一個烤盆， 放入已預熱
175度的焗爐(上下火)， 焗15 - 20分鐘至表面上
色均匀, 如發現一邊深色少少, 焗至一半時間左
右,快手轉個位置不要影響蛋糕。
5. 出爐把蛋糕體倒扣放在新牛油紙放在涼架上，解
開四角的撕開蛋糕體的牛油纸蓋回放凉。
6. 查忌廉的一方打橫輕輕介上幾刀, 把打發的淡忌廉
抹平，留下四邊少少位不用查了, 因為卷的時候會
有少許走到邊位置，放入朱古力脆脆粒卷起来，用
牛油纸包好，放入雪櫃最少雪 2個鐘定型，攪掂。
少少分享 ! 希望大家都做到自己喜愛0既蛋卷啦!
