冰震鮑魚 - 附做法
真係好爽, 我仲配埋檸檬酒餸鮑魚, 飲白餐酒配都會好正啊!
一煲熟就冰水浸過鮑魚.
跟住切開佢一片片, 咁先易食, 成大舊又反而無咁好喎!
夏日熱辣辣, 整番d 冷盆坐下陣吖!
材料超簡單, 又易做!
去街巿買新鮮鮑魚, 睇下你幾多位食喇! 我買咗10隻, 4条友仔,
但係一人2只基本上夠, 不過我地大食啫, 如果好柸中物0既朋友,
可能都要預多隻, 不過, 食下就算啦, 鮑魚難消化啊, 佢仲要好好味,
你煮多d 又會食多d , 都係食2隻吊下d 人癮咪算囉, 哈!
做法 :
1. 先將鮑魚洗乾淨, 去売去腸!
2. 用細煲煲滾水之後, 放入鮑魚煲5-7分鐘, 如大隻煲耐少少, 8-9分鐘,
熄火, 倒出鮑魚, 用冰水快速浸涼鮑魚, 取出切片!
3. 用日本豉油加日本芥末點汁食! 超正!
簡單方便快捷, 好好味!
* 最好係碟底放一些冰, 冰面舖上一層保鮮紙, 再放鮑魚, 咁樣可以
保持溫度, 咁會美味d 啊 ! *
簡單到連小龍我都識得整
又好味
