老公生日,我今日要返半日工
下午係尖沙咀會合
去左科學館....
科學館人山人海,大部份講普通話....=_=
一團一團既旅行團...
我地都係快快閃人了...唉~~~
行左一陣街..成個尖沙咀都係遊客
都係普通話...都係藥房,化粧品
都係返將軍澳好了..
返將軍澳行一陣就搵地方食晚餐啦
我地忠指係早啲食,唔洗等位嘛
六點鐘..見到新都城開左間UCC Coffee
悠悠話幾靚,去試下啦...
座底後見到好多人係一度"不"沙律
原來依度有好久不見既自助沙律Bar
只要加40蚊,就有一個碗比你自己去"不"
仲有餐湯同飲品..又幾低喎
點完餐就去"不"沙律
依然見好多香港人既無執輸方式
層層疊,務求砌得高一高
不過我真係唔識欣賞
一來..我好怕啲食物大堆頭,堆到亂一亂,好影响食慾
二來..跟本就無可能食得晒..只有浪費
果然,見好多枱都有食淨沙律...咁又可必呢...
我地份量岩岩好,悠悠食得幾開心 ^^
前菜仲有三條蒜蓉包
依個麻麻地,硬咗啲..
到主菜
有我必點既牛柳,牛幾淋,好食
由其個汁,甜甜地..我大愛..
另一主菜係肉醬海鮮芝士焗飯
依個都幾唔錯,味道岩岩好,又唔會好漏
食完主菜到甜品
係我最愛既窩夫
原先睇餐牌係4塊既,但原來有份大細,可以要2塊
咁就岩晒啦...
食飽飽埋單都係三百幾,又真係幾抵食呢
下次可以再尼...
走個時見好多人等位..真係早到的鳥兒有飯吃....哈哈
UCC Coffee Shop (將軍澳店)
Italian Tomato Café (馬鞍山店)
嘉美軒精細潮州菜
彩晶軒 V Cuisine (荃灣分店)
Fish & Chick (西環店)
欣圖軒 Yan Toh Heen
恆河咖喱屋 Hin Ho Curry Restaurant
大戶屋 Ootoya (太古店)