悠悠出世後,都無乜點去書展
上年因為有某蛋糕書出左,作者有蛋糕示範,所以去過
仲先知道原來有小朋友唔高過122cm,
就有特別通道,唔洗走落街兜大圈既..
今年再去書展,係為左去撐兩個妹妹既場
二妹有新書簽名會
佢本書叫做 " 麻煩女生孕記 "
係一本繪本書尼既
之前以經出過幾本,係上年大肚所以停左一年無出
今年又再係書展出現,咁我做家姐既,都要去撐吓場既..
去完二妹個簽名會
再去細妹既
細妹係一個文具用品位置到做繪畫示範
我細妹係做教畫既,佢地畫室岩岩同蜻蜒牌一齊攪左個繪畫比賽
依一日就係推廣依個比賽,同埋賣顏色筆
所以佢就係到示範同埋分享下點用啲唔同既顏色筆啦
悠悠仲畫到唔捨得走添呢
