悠悠幼稚園每個月都會有一次生日會
由每月之星帶蛋糕返學校
咁岩見到七月佢地全班無人生日喎
我就問悠悠 : 咁未無蛋糕食囉
佢話 : 都有既,係第二班到分
我就話 : 咁不如我整個蛋糕比你地食啦..
跟住佢話 : 其實七月有人生日,係胡老師,不如整比胡老師
但悠悠又唔知胡老師中意啲乜野公仔呀,口味咁喎
諗諗下..悠悠岩岩過左學校結業禮
畢業既同學仔都會向老師獻花...
咁不如...整個花花蛋糕啦...順便向老師獻花..哈哈
就係咁..花花蛋糕出咗世喇...
仲加入咗一啲玫瑰花乾
加個時,悠悠問 : 玫瑰花?可以食架?
我話 : 可以架
悠悠即刻拎起一粒尼食
然後呻晒脷話 : Er...好難食呀...你又話可以食既?
我話 : 係呀..不過無人攞尼食..多數用尼沖茶...哈哈
個傻豬即走去垃圾筒到吐左佢..笑死我~~~
相信老師很開心...
