暑期足球班

22 JULY 2014(TUE)

今日開始每逢星期二同五，我地都要晨早起身，因為要去參加暑期足球班呀~

依個暑期足球班係大肥豬上網幫小小豬登記，你康文署資助嘅其中一個暑期活動。由於有資助關係，所以我地都只係需要俾$50報名費，咁就可以上十堂足球班課程，真係勁抵呀！

其實開頭都擔心因為太超值，所以好難可以有得參加。正當係BABY KINGDOM見好多媽媽都話收到確認信時，小小豬都仲未收到，嗰一刻都以為抽唔中冇得參加。不過，好在係開堂前一星期，我地終於都收到信，小小豬可以去學足球啦！

有得參加係好事，不過一睇個時間，係早上八點上堂，即刻打左個突。平時小小豬返開下午班，叫佢晨咁早起身仲去踼足球，都唔知可唔可以應付到。但我同大肥豬都覺得事在人為，所以今日就晨早叫醒小小豬，出發去學足球啦~

好似好乖乖咁留心聽導師講解哦~

踼起足球上嚟又係威係勢~

雖然個課程係好平，不過啲導師都好專業，好用心咁教啲小朋友，就算中途小小豬開始扭眼瞓唔投入咁玩，導師都好好咁行埋嚟鼓勵小小豬去玩呀~

唉...一個返開下午班，平日九點幾起身嘅小朋友，初時就好似係威係勢咁，不過大約玩左半場就開始唔投入，扭眼瞓啦~

最後仲瞓著左添~

真係俾依隻豬仔激親，不過可能今日係第一次，所以先出現依個情況，所以都唔可以怪佢。其實係上半場小小豬表現都尚算合格，見佢都好落力咁追個足球，所以慢慢嚟啦...相信下堂表現一定會更加好呀！

MY FACEBOOK~


MY WEIBO~

MY E-MAIL~

 

其他博客區
※※ SINA ※※

※※ MyBB星級Blogger ※※

※※ She.com ※※

※※ WeShare ※※

※※ U-Blog ※※

※※ SeeWide ※※

※※ BlogSpot ※※

※※ BK Milk 親子語 ※※

※※ Cook 1 Cook 星級廚師 ※※