最近係FB,成日見有人講全職媽媽其實好辛苦
叫老公多啲體諒
其實做全職媽媽,真係好辛苦
但我依啲做在職加全職媽媽既..真係辛苦到喊
返工忙到暈..一收工急於衝返屋企
做平日全職媽媽既野
基本上真係無休息過...
不過我又唔會呻咁多既...期待唔洗返工既一日啦...
今日點會無啦啦呻兩句啦
係因為今日放工超多野做,忙到死死下
返到屋企,匆忙食完飯,
就要整我既蛋糕order
整完蛋糕,就要陪悠悠做暑期作業
明明得10日,點解啲功課咁多架
乜老師唔知,家長係無暑假既咩
最慘佢地而家係係未識自己完成功課既皆段
一定要有人教既...
做完功課已經十點
仲要同悠悠沖涼洗頭吹頭
安頓好佢瞓覺
好彩仲有老公幫手洗碗咋...
呻完
講返今日既蛋糕先
主人家囡囡生日,上年生日已經係同我訂蛋糕
上年佢囡囡12歲,order左個鴨仔蛋糕
今年13歲,就order巴黎鐵塔
真係可以話小朋友大得真係快
上年仲係走可愛路線
今年就愛上浪漫既巴黎鐵塔了
本來想用朱古力砌個立體既鐵塔
但天氣太熱,冷氣太唔掂,朱古力依頭上手個頭就溶...
所以唯有改為2D啦...配啲浪漫既粉紅玫瑰
希望小女孩會中意啦
