Glacio 雪糕試食會

30 JULY 2014(WED)

好耐都冇同好姊妹糖糖去街街，今日我地一齊去參加 Try it 試食活動，一次過食左六款唔同口味嘅Glacio雪糕，今次真係肥C啦， 不過啲雪糕又真係好好味呢~

我絕對係一個為食的人，尤其係夏天雪糕真係不可以缺少嘅甜品，雖然明知道係會肥，不過見到啲雪糕又真係好難忍口，所以我對今次依個雪糕試食會都十分期待呀！

Glacio於2013年係香港K11商場裡開了第一家亦都係唯一的店~

我地今次依個試食會就係K11商場大堂內短期攤檔內舉行~

Glacio的商標以蜂鳥為主角，蜂鳥係一種擇食的動物，只會吃上等的花蜜，所以Glacio所推出嘅各款雪糕都好似蜂鳥一樣，為大家採集上等的材料製成優質的雪糕。 Glacio雪糕所選用嘅牛奶係來自荷蘭，當地所有牛奶製品都不含人工激素rBGH的，可以話係健康嘅保證。此外，採用脫脂奶的關係，奶味不是很濃，雪糕本身也不會很甜，但口感依然非常幼滑~

我地聽完負責人為我地講解Glacio歷史背景之後，就到我全晚最重要環節，就係開始試食啦！

雲呢嗱雪糕 – 第一次食雲呢嗱雪糕唔係全白色，雪糕裡的黑點是雲呢嗱籽，顏色亦偏向米白色，其實係因為沒有經過大工香料加工，依個就係雲呢嗱原始的味道嚟呀！ 我一向都唔太喜歡食雲呢嗱雪糕，但依個我就覺得個甜度和牛奶比例都適中，所以都算唔錯呀~

抹茶雪糕 – 抹茶味非常濃厚，但食落唔會感覺到綠茶的苦澀味，茶奶比例調較得剛剛好呀~

雙重鳳梨味雪糕 – 其實香港很少地方會有菠蘿雪糕，加上好多菠蘿副食品都係唔好食，所以開頭我都好有疑問點解負責人會推介俾我地，不過當入口時就完全明白。因為雪糕內還混合 了乳酪，再加上菠蘿碎粒，即時令口感有唔同變化，而且帶有微酸，所以味道都覺得非常清新係全晚令我最驚喜的，簡直要大力推介呀~

草莓雪葩 – 其實我都幾鐘意食草莓類雪糕/雪葩，但今次依個就好似感覺怪怪的，個味道不太像草莓，我覺得比較似山渣，而且酸度都比較重哦~

椰子雪葩 – 依款雪糕可以話係Glacio最有名氣的款式，因為就連麥當娜都非常喜愛，當她還在莫斯科表演時，要找人專程把雪糕從比利時運送到她，聽落真係好利害呀！

這個椰子雪葩很幼滑，質地都好輕，感覺就好似雪一樣入口即融。好濃烈既椰子味，但又唔會太甜，係我是日另一推介嚟呀~

比利時朱古力雪糕 – 最後一款當然係佢地皇牌嚟啦！ Glacio再加上來自比利的朱古力，雖然顏色看似好濃烈，但入口個甜度係剛剛好，加上牛奶所佔的比例較忌廉重，所以不會令人感覺好滯~

坦白講，未參加今次試食會前，我都未聽過Glacio雪糕店，今日最令我驚喜嘅就係食完六杯雪糕之後，我喉嚨一啲都唔會覺得好似”甜爺爺”咁唔舒服，仲要我地唔洗點飲水都唔會覺得口渴，同我之前食雪糕有好大分別呀！

不過唯一就係佢地只得一間店鋪，所以想食的話一定要再嚟K11先可以食到呀！希望嚟緊佢地可以開多幾間分店，最好就可以有埋堂坐嘅，咁就唔洗行咁遠都可以舒舒服服食到好味雪糕啦！

More Information :
Facebook：https://www.facebook.com/glaciohk

MY FACEBOOK~


MY WEIBO~

 

MY E-MAIL~

 

 

其他博客區
※※ SINA ※※

※※ MyBB星級Blogger ※※

※※ She.com ※※

※※ WeShare ※※

※※ U-Blog ※※

※※ SeeWide ※※

※※ BlogSpot ※※

※※ BK Milk 親子語 ※※

※※ Cook 1 Cook 星級廚師 ※※