0

沖繩黑糖咖啡啫喱瑞士卷 - 附食譜

concon煮意 於 2014-08-18 08:10:10 發表  |  累積瀏覽 3309

分類:蛋糕

沖繩黑糖咖啡啫喱瑞士卷



而家用多咗黑糖, 聽講有寧神益氣作用, 不過我都只係純粹為食


作怪, 覺得好味, 越來越喜歡佢0既味道 ! 好簡單 !



今次係同同事分享, 實在太正, 同事們大讚, 


蛋糕軟棉, 入面咖啡啫喱好香濃!


 

蛋黃漿拌完出黎就係咁杰杰地0既!


昅住, 昅住, 唔好俾佢燶呀!




 


食譜


材料:

A) 蛋黄                            4隻  (中型蛋)  大約90g


     沖繩黑糖                   20g  


     菜油                           30g


     鮮奶                           40g    (淡奶也可)

                  

B) 蛋白                            6隻  (中型蛋)  大約180g     


     沖繩黑                    65g   


      鹽少許                     ( 幾粒幼鹽)


      白醋或檸檬汁幾滴 


C)  低筋粉                       95g                              

      ~~~~~要先過篩2次備用~~~~~


D)  即溶咖啡粉             12g    


      熱水                         200ml   (先放入咖啡粉溶解備用)


     魚膠片                      10g     (浸軟, 放入咖啡液拌勻)


饀料  :

1.  淡忌廉160g加糖25g打起    (如果懶就可以160g甜忌廉打起就得喇)


2.  D 部份切条, 掃上忌廉後就放上這些咖啡条!

 

我的焗盆是26cm X 36cm

做法:

1.   先將咖啡粉熱水和魚膠粉混合溶解, 放涼後放入雪櫃, 最好前一晚雪好, 


       最少雪3小時以上 ! 用前切条狀 ! 


2.    (B材料) 蛋白打至起泡,加幾粒幼鹽,打至细白泡沫,

           立刻分3次加入沖繩黑  ,打至提起有彎鉤。

3.    (A材料) 蛋黄和沖繩黑  坐暖水大約40度左右混合,

          攪拌到變淡黃微微杰身,加入全部菜油拌勻

         再分次加入奶。係呢個時候篩入低筋粉拌勻.

4.      1/3蛋白加入到蛋黄糊中,拌匀。將蛋黃糊倒回2/3蛋白

         糊拌勻

5.      把面糊倒入鋪了油纸的焗盆中,雙手揸住焗盆拷幾下,

         下面再放多一個烤盆, 放入已預熱175度的焗爐(上下火),

          焗15 - 20分鐘至表面上色均匀, 如發現一邊深色少少, 焗至

          一半時間左右,快手轉個位置不要影響蛋糕。

6.      出爐把蛋糕體倒扣放在新牛油紙放在涼架上,解開四角

         的撕開蛋糕體的牛油纸蓋回放凉。

7.       查忌廉的一方打橫輕輕介上幾刀, 把打發的淡忌廉抹平,

   留下四邊少少位不用查了, 因為卷的時候會有少許走到邊

   位置,排上咖啡啫喱,卷起来,用油纸包好,

   入雪櫃最少雪 2個鐘定型,攪掂



少少分享 ! 希望大家都做到自己喜愛0既瑞士卷!

 

*想知道其他瑞士卷食譜, 請找蛋糕分享裡面0既蛋卷

  分享就有好多不同配搭架喇!



 













鐘意SeeWide的分享,給我們一個Like吧!
  • 攻略日期:N/A
    攻略地點:N/A
  • 攻略時間:N/A
    是次消費:N/A
0人比"掂"
  • concon煮意 於2014-08-18 17:32:40 留言
    原文由 AllisonWky 於 2014-08-18 15:08:51 發表
    嘩! 好利害!我搵日又要試下先!
    係呀, 快d 試, 好正,個個都讚好味道, 我都會再整!
  • 舉報 回覆
  • No.2
  • 特搜總編E 於2014-08-19 10:02:13 留言
    恭喜!經過「SeeWide評審團」一致通過,你的發佈已被選為推薦攻略!你不但可以獲得200經驗值,更能累積200探險里數作為開展下次探險之旅的旅費!
  • 舉報 回覆
  • No.3

最多能輸入300字

累積瀏覽 944672

全部攻略 674

全部回應 1977