四歲生日好節目 - 開心的飯局

10 AUGUST 2014(SUN)

(請按此)音樂會活動，小小豬生日活動嚟到尾升，到左夜晚就同小豬爸一齊去酒樓慶生日啦~

其實今日除左係小小豬生日之後，亦都係小豬爸同嘉汶表妹嘅農曆生日。一向小豬爸都比較注意農曆生日，每年生日都會約埋啲親戚一齊開開心心食餐飯，所以今年就可以一齊慶祝。今年仲係小豬爸大壽之年，可以同佢個寶貝孫仔一齊慶祝生日， 真係特別有意思呀！

我地為三位生日壽星準備嘅生日蛋糕，都幾靚呀~

有得吹蠟燭，睇吓個小朋友幾興奮呀~

哈哈哈...我唔記得左同個壽星小豬影相添。不過唔緊要，因為當時大家情緒太高漲啦~

今晚啲菜式都好豐富哦~

仲有個好味甜品，依個芒果蒟蒻都應該好易整，等我搵機會又試吓先~

生日又點可以少得壽包呢~

今日小小豬就非常開心啦，因為小豬媽送左份超正嘅生日禮物俾佢，知唔係就係小小豬想要好耐嘅相機。收到禮物時仲成晚做攝影師，周圍影呀~

依排小小豬已經不甘於玩佢嘅玩具相機，成日都問我拎我部相機俾佢影相，次次去街都話要幫我地影，有一次去影加菲時(請按此)，小小豬幫我地影左張唔錯嘅相，就係咁小豬媽就決定買部傻瓜機俾小小豬啦！

其實依部相機一啲都唔傻瓜，俾小小豬玩我都真係有啲肉赤，不過依當晚小小豬使用情況嚟睇，只要同佢講明啲規則，佢都係好小心咁用，應該唔會有問題。加上俾多啲機會佢去影相，都係訓練佢觀察嘅一種，所以.......都俾佢用多啲啦，最多用嘅時候睇實啲啦....哈哈哈！

MY FACEBOOK~


MY WEIBO~

 

MY E-MAIL~

 

 

其他博客區
※※ SINA ※※

※※ MyBB星級Blogger ※※

※※ She.com ※※

※※ WeShare ※※

※※ U-Blog ※※

※※ SeeWide ※※

※※ BlogSpot ※※

※※ BK Milk 親子語 ※※

※※ Cook 1 Cook 星級廚師 ※※