聖誕真係最期待既節日,尤其今年
今年聖誕無gathering,因為我想靜靜地過,聚會留待除夕吧
希望過一個快樂聖誕,出年未必有咁自由,趁自己呢個階段行得走得食得當然希望開心
的確聖誕正日過得好開心,朝早出去飲茶,因為我近來非常喜歡食點心
然後行中環再過尖沙咀行街,然後…難得一身好本領,廚房始終走不過…回家輕鬆地煮一餐
可惜到26號,我滿心歡喜打算又去街時,被一個人徹底破壞了心情
好唔開心!點解我唔可以兩日假期都開心去過,我好嬲破壞我快樂既人
唉…但又如何?好地地一日浪費了,失望既感覺不能用言語而喻
講番聖誕晚餐,無乜太特別,因為去完成日街都累,志在過手癮咁啦
煎七味鴨胸配西芹蘋果沙律,鴨胸晌city's super買,然後自己醃
湯係易做又好味兼係高鉀降脂既法式洋蔥湯
佢真係我最喜歡整既呢
黑啤豬肋骨配洋蔥圈
之前一日醃定,本身想煎牛扒,但整個焗既主菜就可以分散做法
我唔使不停企晌度煮,放入焗爐就得
因為我失去食甜既興趣,所以無整甜品
去買兩件蛋糕便算,不過買完我食左一啖就放棄了
今年既聖誕樹,我好怕放好多野會俗氣
只用我喜歡紅色金色為主,晚上開上閃燈已經令我開心
明年希望放奶皇包晌樹前影張相去post,每年一張直到佢覺得我無聊為止!哈
今年聖誕裝飾我覺得麻麻,連IFC都唔靚
但晌海運大廈出面人山人海之際,連卡佛晌感了一個寧靜之地
可以靜靜地去影相同欣賞
加上好靚
早兩年Lankmark都有類似的,我都影好多
喜歡聖誕村呢
新facebook acct開始建立,慢慢upload上Fb、講飲、講食、講戰利品
仲會講祕密
============================================
感謝 大少奶 提供以上資料
大少奶的網誌: http://iamtaisiu9.blogspot.hk/
大少奶的FaceBook 專頁:https://www.facebook.com/taisiu9
============================================