預祝各位新年進步、身體健康、萬事如意、龍蝦沙律~Yeah~~~~~~~~~~~~~~~~~
是日年廿九團年飯啊
好凍!好凍!越夜越凍
我等陣仲要去維園逼花市,得個逼字都要去逼
一年一次嘛
今晚表弟先生同表妹忌廉bun一齊來團年
我又整燒腩肉,今次買好大塊腩肉
所以分左一半比我教會姊妹啊
好脆,希望佢拎到返去仍脆啦!我呢塊脆過卡樂B,哼
我覺得呢張相好靚,所以唔放斬好既呢
好大塊啊
今次我買既肉唔太肥,所以用錫紙圍住個肉,只露出塊皮位置,咁下面既肉無咁乾,有大量肉汁
鹹雞
又係用may姐食譜,好滑,同埋好易整
只要焗烚隻雞,然後浸冰鹽水,就夠味又滑
一定要食既南乳炆齋
百花小棠菜
呵呵!食譜唔講得住
仲有湯丸煮緊,食完去逼花市
============================================
感謝 大少奶 提供以上資料
大少奶的網誌: http://iamtaisiu9.blogspot.hk/
大少奶的FaceBook 專頁:https://www.facebook.com/taisiu9
============================================