大少爺放完假後............今日唔見咗電話
不過，我同佢係唔會晌電話內放照片既~恭喜晒大少爺又換電話喇！
今日我整滷水三拼，滷水汁我自已整既~身為潮洲新抱點都要識整滷水
而且樽裝現成滷水汁唔夠香
首先買
花椒、八角大約$3已經夠、跟住老抽、生抽、冰糖、少少鹽、水、薑、蔥
咁預備你想滷水既肉類例如雞亦、蛋、豆腐之類
如果用雪藏雞亦唔駛溶雪，開一鍋水放薑、蔥直接將雞亦放落鑊煮到溶雪同5成熟備用
蛋就先煲熟、豆腐就買滷水用既炸豆腐，略洗
汁料做法:
先將薑、蔥、花椒、八角爆香，加生抽、老抽、同水，份量就視符材料幾多，滷水要高過材料
當你發覺水份唔夠加水、唔夠色加老抽、唔夠鹹加生抽同少少鹽
最後加冰糖試味，調教到自已口味就放材料煲滾、熄火由得佢浸
因為長期開火滷會令材料爛，例如雞亦會甩皮甩骨
到食時再加熱，豆腐就只需要臨食前滷十分鐘就夠，否則會吸味吸到變鹹
我鍾意滷水帶甜味，會加多些冰糖
無一定份量係因為滷水可以調較自已喜歡既味道，而滷水汁可再用
將所有材料盛起，返滾一次就可以灘凍入樽留下次用
記得份量由自已調教，初初可以先試一碗生抽、兩碗水、老抽就視符夠唔夠色
冰糖最後落，用自已味覺去調味
![]()
============================================
感謝 大少奶 提供以上資料
大少奶的網誌: http://iamtaisiu9.blogspot.hk/
大少奶的FaceBook 專頁：https://www.facebook.com/taisiu9
============================================
