噢！雖然要............
但我都開始要寫書
希望呢個星期寫得幾多得幾多
因為今次好多唔同部份，起碼寫好先再做其他
成個腦都被本書塞滿
係閉塞，每次寫書都經過腦閉塞
一諗到腦閉塞日子就........................
上文講到我睇中好多小甜點
其實第一個睇中係呢個啊
係........"黑糖牛奶麻糬"
好煙un既呢
似日式糯米滋
又即係日本既百貨公司，見到一個糰，沾上黃豆粉既呢
整呢個真係好開心，最開心係唔難整
最難既步驟只係...搓圓
由於我決定下晝出去買呢本書，So....可以寫食譜呢
暫時就借住個食譜寫住先啦！因為太好喇！好想大家都可以整呢
食譜來自：讚不絕口的幸福甜點
材料：
a.太白粉 60g (即係木薯粉、亦即係生粉)
b.糖 20g
c.黑糖 20g
d.奶 300g
e.黃豆粉 適量
做法：
1)將 a,b,c,倒人小煲中攪勻、慢慢加入奶攪至無粉粒
2)將小煲以中火加熱，並用木匙攪拌，開始起泡時，再轉小火煮至濃稠後熄火，用木湯匙攪拌成糊
3)晌一個鐵盤內灑上薄薄黃豆粉，搓成圓形，再另沾上黃豆粉裝飾
*晌步驟2，我係邊煮邊攪，直至形成一個糰，先熄火
*步驟3，鐵盤灑上黃豆粉要夠薄，太多搓唔到圓形，但唔落又會黏手呢
============================================
感謝 大少奶 提供以上資料
大少奶的網誌: http://iamtaisiu9.blogspot.hk/
大少奶的FaceBook 專頁：https://www.facebook.com/taisiu9
============================================
