首先多謝琴日晌Fans page鼓勵我既你你你你你
我唔知自己會唔會決定錯
但係…我唔想再浪費時間
希望我決定無錯,再同大家好好分享
是日午餐...........
我知....我隻蛋煎得唔夠靚,仲走光
我知....塊牛扒唔夠動感
我知....我用caesar salad唔係菜絲
我知....今日陰天唔係晴天,相片無咁好
我知....人地街外點都好過我
哼
呢個係我星期日睇呀妹水禮前去食既午餐@ simply life
牛扒煎蛋三文治,完全愛上
佢個麵包用芥辣加沙律醬,我今日都係用芥辣加沙律醬做出一樣味既麵包
不過…我賣相差過佢呢
激死人
話說我同大少爺每人一個水樽,方便出街帶水飲
果個好鍾意乜都放冰格既少爺
早個星期同我講:你去開街,可以幫我買個新水樽嗎?
我問點解,佢話:早幾日我放水樽落冰格,雪爆了……
我都費事睬佢
然後…琴晚佢同我講……
大少爺:
你個樽生仔呀?
我:
生咩仔?
大少爺:
你睇,個樽呢度(手指著個樽一個位置),脹起左?
我:
點解既?
大少爺:
因為我上次將兩個樽一齊放冰格,我個爆左,你個無爆喎!只係生左個仔
我望下個樽有個位脹起左然後就))))
做乜你乜鬼野都放冰格架?你咪再掂我d野呀))
張相點影都影唔清,係有個位脹起了呢
應該係水變冰時想脹大想爆裂但又未爆得開
激死我
Fans page仲有新blog. Click here--->
============================================
感謝 大少奶 提供以上資料
大少奶的網誌: http://iamtaisiu9.blogspot.hk/
大少奶的FaceBook 專頁:https://www.facebook.com/taisiu9
============================================