2010年仲有一日就過去
今年有開心有唔開心
但數算過後，總結係開心居多
其中開心既片段好多都來自呀妹Diana同佢佢仔承熹
今年我接觸好多小朋友
其中係呢個姨甥仔，我真係好愛佢，佢好得意
亦都比我見證一個小朋友既成長
令我無乜驚BB
今日係2010年最後一次見，再見佢地係2011年喇
呀妹好好，今日焗芝士蛋糕比我食，我睇住呀妹整，呢個好易整啊
同埋好好味，好味到…我同大少爺講電話時，同大少爺講呀妹焗芝士蛋糕比佢食
佢反應好雀躍呢
呀妹多謝你
夜晚影相好難影，所以相片連食譜都copy呀妹既呢
材料:
A) cream cheese ... 160g; butter ..... 25g; milk .... 120g
B) 低筋粉 ..... 40g; 粟粉 ....30g
C) 蛋黃 .... 4個
D) 蛋白 ..... 4個; sugar .... 100g; Slat ...少許
準備 :
將蛋糕模塗上少許牛油, 以方便脫模
180度預熱焗爐15分鐘!
做法 :
1) 將A材料用明火煮至結結地 (將cream cheese壓小塊較易煮開), 唔洗煮到溶晒, 然後移離爐頭! 分次加入B&C攪拌, 再用打蛋機略略打至均勻, 無起粒!
2) 另將D蛋白打至起泡, 分次慢慢加入糖&鹽, 打至企身!
3) 將1加入2, 攪均... 倒入蛋糕模, 用隔水方式以160度焗40-45分鐘 (視乎火力)
4) 完成後, 將蛋糕取出, 立即將蛋糕移離蛋糕模, 待涼! (記得要立即脫模, 否則蛋糕會下陷)
溫馨提示:
如果想個蛋糕香濃啲, 我會將120克既牛奶改為cream, 另外焗既時候要留意個蛋糕, 一升起變金黃就放一張錫紙係蛋糕面, 以防烤燶面.
Fans page仲有新blog. Click here--->
============================================
感謝 大少奶 提供以上資料
大少奶的網誌: http://iamtaisiu9.blogspot.hk/
大少奶的FaceBook 專頁：https://www.facebook.com/taisiu9
============================================
