21 Oct 2007 - 上大鵬灣

一早十點多我同阿爸、媽咪同細佬就去到上水，因為約了一班親戚上大鵬灣，
等到十一點多，終於等齊人，由最老的三姨婆到最細既Emily，共十四人~
我地係上水坐火車到羅湖，第一次試用e channel行，好好玩喎~不過，
去到用回鄉卡時，我過唔到，原來因為第一次用，所以要登記呀…-_-
就係咁，其他人就要等我同埋四叔登記先~完成左，以為可以坐車去，
點知去到車站先知個車站搬左去另一邊！what！於是大家又要走番轉頭去另一邊…
結果搞到差唔多兩點先去到大鵬灣拜山，去到冇幾耐…我就俾蚊咬左三次！
yeeeeee -_-我兩個堂妹都唔咬，我同佢地比都老啦…原本得半粒米大的蚊咬處，
演變到後來差唔多一個一元硬幣左右…!_!十四個人得我一個俾蚊咬，
仲要俾大叔笑我係蚊香… -_-拜完山，大家就分野食，有雞呀燒肉咁~
搞完一大輪，都四點多了，坐車回到深圳，去食dinner，dinner後，
就回程啦，回程時試新野，就係坐地鐵去黃岡啦~都唔錯喎~
張"票"仲要係籌碼咁既樣，既搞笑喎~haha~~原來宜家落馬洲過關處咁靚架喎~
不過係黃岡只係有車出元朗…結果我地一家要先出元朗，再轉巴士到天后，
再轉巴士回家，時間同錢…就係咁冇左好多啦…

 

今日先知原來三姨婆十年前左右試過自己一個跟團去日本呢！哇！超勁呀~
她一把年紀，又生得細小，鄉音依然幾重，真沒想過她這麼大膽呢~佩服呀~
佢話自己個女同孫都忙，自己又想旅行於是就自己一個去，如果係我，
我就真係唔敢啦~~三姨婆你好勁呀~~而且仲係我認識既老人家中最得意的~ ^^