朝早去同迦南組的幾個女仔早餐之後一齊睇bible~
完左sunday worship，就同大家傾下計，Dorothy及Phoebe都提到，
佢地之前去過China mission，大家最深既印象都係那裏的toilet，
由於她們都去一些比較落後的地方，所以toilet就…我估如果俾著我，
我都唔會去… :p
差唔多五點，我都要走啦，因為今晚要出席我阿爺個阿嫂的壽宴~
去到鑽石山，先知原來八點先開始，我地以為七點呢~
原來對方說七點是因為可以食蛋糕呀、影相呀同打麻雀等，
因為未開始食，所以我同阿妹同細佬商場逛下，又入左遊戲機店玩找不同~
係遊戲機中心門口見到個好笑的場面，有個小朋友，我估約七至八歲，
我看他真的好想好想好想入去，企係門口，好想行前一步，見他扶著門口，
終於忍不住行前一步，不過工作人員當然看到，好可惜，又要企番後一步，
真可憐呢~haha~之後去睇cd，見到隻一直想買的，不過又唔捨得喎…
掙扎左好耐，還是買了，haha~~夠鐘上番去酒樓啦~
上到酒樓，大部分人都唔識的，除了一些在新年見過，其他的都唔識，
因為那可能是伯婆媳婦那邊的親戚~雖然我們那圍坐得有點迫，
不過是我們決定的，因為難得大家聚聚，雖然主人家多次請我們，
可以分開坐不用那麼迫~haha~未開始食野，晴晴同昕昕係度畫畫，
晴晴仲畫了我個樣，話送俾我喎~haha~~雖然係簡單的線條，
但我覺得佢好留意一些細節，咁有心畫俾我，我當然會拿回家在我房貼堂啦~
至於昕昕，太細個了，只係畫點點，haha~估唔到食到咁夜，十一點左右才完~
負責我地果圍既女侍者好好服務呢~佢地話佢好好笑容，我就見唔到啦，
因為大部分時間佢都係我隔離上菜，我都見唔到佢，有時我又抱住昕昕，
都冇望到佢個樣~haha~~
