10 Apr 2007 - 等…等…等…

今日朝早去interview，早左十五分鐘到左，填完form，剛好10:30，
等左陣，reception跟我說那個interviewer開緊會，要等多陣，
於是我就等多陣啦~我填完form時有另一個見工者剛到，無幾耐，
佢可以int啦，再過多一段時間，佢int完，走埋…無野好做既我，
坐係度又唔知有什麼好做…果度又冇書睇…坐係度無了期的等…
有幾次想拿手機望時間，但又好似顯得自己好唔耐煩，所以無睇到，
等等等…我又reception聽電話講"早晨"到講"午安"…我一聽到午安，
我就嚇一嚇，我…我在這等了多久？？由十點多到午安到差唔多兩個鐘，
快成了化石呢~ :p 無幾耐又一個人黎interview，佢填完form，
聽到reception打入office話出面有人等左好耐都未interview，
於是那男仔就問我等左幾耐，佢聽到都好嚇親既樣~haha~
可能佢真係怕我會變化石，所以都同我傾左陣，無幾耐，我終於可以int啦~

 

唉…原本打算int完就番以前公司拿check，但由於interview遲左，
我去到既時間佢地剛好出去lunch，呀…咁我果一個鐘可以做什麼呀…
唔…附近又冇圖書館…又冇HMV…點用左果一個鐘好…？漫無目的行行下，
俾我見到商務呀！好感動呀！我有地方去啦！於是就上去搵本書睇啦~
睇到夠鐘就去公司，上到去又要等半個鐘先得，拿完check就回家，
今日既時間就係俾我無所事事坐係度等等等咁過~ :p