今日整日都天陰陰，好灰暗咁，間中仲落雨~中午我煮麥皮食，
當我預備行出去廚房時，剛好見到毛毛在屋底出黎…哇！你…你…你個口…
咬住什麼？黑色的…我想都冇想就急忙行番轉頭，同婆婆講毛毛好似咬住老鼠！
不過後尾公公證實那是雀而已，哇…嚇死我啦…毛毛你捉完就唔好咬住企到咁埋，
嚇得我呀…雀你唔好捉啦…捉老鼠麻…雀仔可愛好多啦…
琴日係聽聞你捉雀，今日唔駛咬住俾我睇啦，我信你捉到啦…
晚黑返工，今日唔係太多客，可能落雨，又凍啦~
十一點多十二點時，有個外國客問可唔可以轉台，佢想睇channel 10，
咁我就試下轉啦，因為唔知點解，呢度唔同香港，邊度都收到的~
channel 7 及 9 就多數得，10就未必，搵緊途中，轉到有個台…
哇！做…做緊三…三級野！真係當場嚇一嚇，個外國人仲話，應該係SBS台，good~
我呆左兼冇再望…雖然我覺得佢係講笑，但我突然醒起佢話想睇channel 10的，
為免佢突然想睇呢個台，於是同佢講幫佢繼續搵睇下有冇，
我見冇喎，咁就即刻轉番channel 7，同佢講話唔好意思，冇channel 10，
咁就乘機入廚房幫手拿洗好的碗出黎，繼續忙啦…
晚黑老細車我回家，落車時發覺今晚好似唔係好黑，都零晨兩點半啦，
下意識抬頭望下個天，哇，個月光好圓好光呀，好靚呢~今晚月光咁明亮，
難怪我覺得好似光左啦~
