1 Sep 2006 - 第一日春天

今日係春天第一日，太陽曬落黎比琴日還熱少少~
今日番工，頭個幾兩個鐘都沒什麼客，以為天熱，大家唔願出來~
點知後尾不斷有客，其中有一圍仲係九個人咁多呢~
雖然單就比琴日少，但係金額反而多過琴日喎~有二百多少少~
好少有咁多的~通常兩點半左右都冇客黎架啦，但今日既客好似都偏遲，
收工前兩分鐘d客先走哂~

 

今日又有免費報紙送黎，幾經辛苦終於俾我捧哂入餐館，
之後就執起一些俾Ruby，放工之後去佢番part time間shop俾佢~
去到俾低佢，同佢傾陣，見佢忙，就幫下手咁啦，不過都唔係好幫到，
因為我又唔可以幫佢收錢，我又唔識中藥，解答唔到顧客既問題，
加上大部份既客都係國語人…我既國語就真係好普通，好多都係北方人口音，
我聽唔清，就算聽到，佢地問既中藥名稱我連粵語都未必識讀，
何況佢地用國語問？我只能叫Ruby黎答佢地~咁我可以幫到什麼？
哈哈~咪就係幫手將客買既野放入袋啦，同埋貼價錢啦，仲有refill某些藥材~
貼價錢都幾好玩架，今次係第二次用果部sticker貼，上次Ruby教過我用，
都好易用，宜家識得調價錢，識得點貼，Ruby見我咁鐘意貼都俾我貼，反正佢都整慣整熟，
係我咁貪新鮮je~哈哈~幫緊Ruby途中，仲有Elizabeth黎探班，
佢走左不久，輪到Irene過黎探班，Ruby真係唔怕悶啦~不過咁忙都冇得佢悶~
佢都好受客人歡迎的，我見好多客都好信得佢，話突登今日佢番工先黎~
哈哈~我既國語都唔差的，聽得明，當然啦，那個客冇北方口音麻~
而且普通對話我多數都聽到既，只係講到病名呀藥名我就唔係好聽到啦~